Խիտ արյան հիմնական վտանգը թրոմբի առաջացման ռիսկի բարձրացումն է, զգուշացրել է բժիշկ Մարինա Բերեժնայան։ Gazeta.Ru-ի հետ զրույցում նա խոսել է արյան խտացման այլ լուրջ հետեւանքների մասին։
Բերեժնայան բացատրել է, որ վտանգավոր է համարվում արյան բջիջների նորմալ հարաբերակցության խախտումը դրա հեղուկ բաղադրիչի ծավալի նկատմամբ։ Նա այս գործոնի ամենալուրջ հետևանքն անվանել է թրոմբների առաջացումը։ Բժիշկը նշել է, որ թրոմբոզը կարող է առաջանալ ոչ միայն մեծ, այլեւ փոքր զարկերակների մեջ։
«Միկրոթրոմբոզը հանգեցնում է թթվածնի մատակարարման խանգարումների գրեթե բոլոր հյուսվածքներին և օրգաններին», – ասել է Բերեժնայան:
Թերապևտը նաև նշել է, որ երբ արյունը խտանում է, մարդու առողջական վիճակը վատանում է, և նրա գլուխը սկսում է ցավել։ Նա ավելի վատ է հաղթահարում աշխատանքն ու դասերը:
Բերեժնայան ավելացրել է. արյան խտացումից խուսափելու համար հարկավոր է վերահսկել ջրի հաշվեկշիռը և ժամանակին լրացնել այն։
English
Русский
