Սրտաբանը խոսել է առավոտյան սուրճի օգտակարության մասին

Սուրճ խմելու ժամանակը կարևոր է օրգանիզմի վրա ազդեցղության առումով։ Այս մասին խոսել է սրտաբան Աուրելիո Ռոխասը:

Սրտաբանը նշել է, որ սուրճը վատ համբավ ունի առողջ ապրելակերպի հետևորդների շրջանում, քանի որ ըմպելիքի օգուտների և վնասների մասին գիտական ​​հետազոտությունները հաճախ սխալ են մեկնաբանվում։ Ըստ նրա՝ ոչ թե կոֆեինն է իրականում վնասում առողջությունը, այլ դրա չարաշահումը։

Ռոխասը համոզված է, որ սուրճի ազդեցությունը կախված է դրա օգտագործման ժամանակից․ այն առավելագույն օգտակար ազդեցություն է ունենում առավոտյան։

Սրտաբանի խոսքերով՝ օրվա առաջին կեսին ըմպելիքը բարելավում է սիրտ-անոթային համակարգի աշխատանքը, նվազեցնում է շաքարախտի առաջացման վտանգը և օգնում է ավելի լավ վերահսկել քաշը։ Օրվա երեկոյան ժամերին կոֆեինը խորհուրդ չի տրվում, կարծում է Ռոխասը, քանի որ այն կարող է խաթարել ցիրկադային ռիթմերը և դրանով իսկ չեզոքացնել օգուտները: