Բժիշկը նշել է՝ ում չի կարելի ելակ ուտել

iPress.am- Բժիշկ-սննդաբան Օլգա Կորաբլյովան նշել է, թե ինչու չպետք է ելակ ուտել քաղցած ժամանակ և տալ փոքր երեխաներին․ «Ելակը կարող է ուժեղ սննդային ալերգիա առաջացնել։ Հաճախ հատապտուղն առաջացնում է իմունային համակարգի արտահայտված ռեակցիա, հատկապես, եթե մարդը խնդիրներ ունի ստամոքս-աղիքային տրակտի հետ:

Ծանր դեպքերում հնարավոր է անաֆիլակտիկ շոկ (սուր ռեակցիա, որի ժամանակ ճնշումն ընկնում է, իսկ շնչուղիներն արգելափակվում են): Այսպիսով, ելակը խորհուրդ չի տրվում կերակրող մայրերին կամ հղիներին, որպեսզի երեխայի մոտ ալերգիա չառաջանա: Այդ նույն պատճառով խորհուրդ չի տրվում ելակ տալ մինչ 1 տարեկան երեխաներին»,- զգուշացնում է մասնագետը։ Բացի այդ, խորհուրդ է տրվում խուսափել ելակից սուր արտահայտված գաստրիտի և ստամոսքի խոցի ժամանակ. հատապտղի մեջ թրթնջուկաթթու կա, որը կարող է սուր նոպա առաջացնել: «Քաղցած ժամանակ նույնպես վնասակար է ելակ ուտելը, հատապտուղը չափազանց թթու է։ Ավելի լավ է այն ուտել որպես աղանդեր»,- կարծում է սննդաբանը։