Նոր մանրամասներ փոքրիկ Անգելինայի մահվան վերաբերյալ. ԲԿ-ն հայտնում է

Նոր մանրամասներ փոքրիկ Անգելինայի մահվան վերաբերյալ. ԲԿ-ն հայտնում է

Medicine Ipress 2020-03-19 15:05:00 13722
norq-marash-angelina_yFjEY.jpg

Խորը վշտով տեղեկացնում ենք , որ այսօր 19.03.2020 «Նորք-Մարաշ» բժշկական կենտրոնում կյանքից անժամանակ հեռացավ չորսուկեսամյա փոքրիկ Անգելինան: Երեխայի մոտ ախտորոշվել էր դիլատացիոն կարդիոմիոպաթիա՝ սրտի խոռոչների լայնացում՝ կծկողականության կորստով:

04.03.2020 Երեխան ունեցավ սրտի կանգ, տևական վերակենդանացման միջոցառումների արդյունքում բժիշկներին հաջողվեց երեխային ողջ պահել, միացնելով արտամարմնային թաղանթային օքսիգենացիա, որն իրենից ներկայացնում է սիրտ և թոքեր ամողջովին փոխարինող ժամանակավոր սարք (ECMO):

Պետք է նշել, որ երեխան ECMO-ն միացնելուց ժամեր անց արթնացավ ռեանիմացիացիոն բաժանմունքում: Հարկ է նշել, որ Անգելինան բացի ձախ փորոքի վատ կծկողականությունից ուներ նաև տուժած աջ փորոք և վնասված թոքեր, որոնք ի վիճակի չէին իրենց ֆունկցիան իրականացնելու:

ECMO- ն որպես հիվանդի կյանքը պահպանող սարք ժամանակավոր բնույթ է կրում և ժամանակի հետ սարքին հարակից խնդիրներ են ի հայտ գալիս, որոնք վտանգում են հիվանդի կյանքը և որքան երկար է գործում սարքը,այնքան նշված խնդիրների հավանականությունը շատանում է: ECMO-ն տեղադրելուց հետո ընտանիքի, ընտանիքի ընկերների, Առողջապահության Նախարարության և հասարակության արագ համախմբման արդյունքում մեր երկիր առաջին անգամ բերվեց արհեստական ձախ փորոք կոչվող սարքը (LVAD), որը փոխարինում է սրտի ձախ կեսի ֆունկցիան և ավելի երկարատև կիրառություն ունի, իսկ Անգելինայի դեպքում դա միակ հույս-կամուրջն էր դեպի սրտի փոխպատվաստում:

Սակայն մեծ մտահոգություն կար, որ չնայած այս սաըքի առկայությանը, միևնույն է սրտի աջ բաժինը և թոքերը կշարունակեն մնալ ECMՕ-ի հույսին և չվերականգնվելու դեպքում, ժամանակի ընթացքում ի հայտ կգա կյանքի հետ անհամատեղելի իրադրություն:

Այնուամենայնիվ տեղի և արտերկրի մասնագետների հետ տևական քննարկումներից հետո, ընտանիքի հետ որոշվեց միակ հույսը գործածել, տեղադրել ձախ փորոք փոխարինող սարքը և հույս ունենալ, որ աջ փորոքը և թոքերը թույլ կտան անջատել ECMՕ-ն, քանի դեռ սարքի հետ կապված վտանգավոր խնդիրները ի հայտ չեն եկել: Այսպիսով ECMO-ի միացման արդեն երրորդ օրը ECMՕ –ն վերադասավորվեց (արդեն փոխարինեց միայն աջ փորոքին և թոքերին) և զուգահեռ միացվեց արհեստական ձախ փորոքը (LVAD), որն իր առջև դրված խնդիրները լուծեց փոխարինելով ձախ փորոքը: Սրտի աջ բաժինը և թոքերը շարունակեցին մնալ ECMO-ի սարքի հույսին: Ընդհանուր առմամբ ECMO-ն աշխատեց 15 օր, սրտի աջ փորոքը և թոքերը այս ընթացքում ընդանրապես չվերականգնվեցին և թույլ չտվեցին ECMO- սարքից շուտափույթ անջատվել:

Ցավոք այդ օրերի ընթացքում չնայած LVAD-ի նորմալ գործունեությանը, ի հայտ եկան տարբեր օրգանների անդառնալի կորուստներ, որոնք վերջիվերջո Անգելինայի կյանքի հետ անհամատեղելի դարձան և 19.03.2020-ին, առավոտյան ժ.10:30 գրանցվեց երեխայի կենսաբանական մահը: Կիսելով անդառնալի կորստի ցավն ու դառնությունը, խորին ցավակցություն ենք հայտնում փոքրիկ հրեշտակի ծնողներին: Համբերություն ձեզ այս դժվարին պահին:

Поделиться
Класс
Send
img9853_p6vFz.png

«21-րդ դարի ստրկությունը՝ թրաֆիքինգը». հարցազրույց թրաֆիքինգի ռիսկերի իրազեկման հարցերով փորձագետի հետ

img9599_1b73J.jpeg

ԲԱՑԱՌԻԿ ՏԵՍԱՆՅՈՒԹ՝ դեպքի վայրից․ Ինչպես են 2-ամյա Տիգրանին դուրս բերել գետից

img9592_KEyLs.jpeg

ԲԱՑԱՌԻԿ ՏԵՍԱՆՅՈՒԹ․ էջմիածնում 26-ից ավելի դանակի հարվածներով տղամարդ են uպանել ու գումար շաղ տվել վրան. կասկածյալը որդին է

img9523_PVv5T.jpeg

Տուժած երեխայի մայրը ծեծել է համագյուղացի կնոջն ու որդուն․ նոր մանրամասներ Մխչյանի դպրոցի դեպքից

img9514_eseIA.jpeg

Կասկածելի հետք է նկատվել գետում. Բացառիկ

img9505_IX1ti.jpeg

Ես պարտաճանաչ, խեղճ, խելոք ու առանց թիկունքի ուսուցիչ եմ եղել, դրա համար էլ այս օրն եմ ընկել

img9503_zEYm1.jpeg

Երեխաներին կապկպել են դպրոցի զուգարանում, թմրանյութ տվել․ սարսափելի դեպք՝ Մխչյանում. Տեսանյութ

img9490_YDznQ.jpeg

Հնարավոր է՝ որոշում կայացվի երեխային առաջին դասարան ընդունել 7 տարեկանում․ ԿԳՄՍ նախարար

img9489_g7rEm.jpeg

Ուժգին քամին պոկել է տանիքը, խփել 36 շաբաթական հղիին. երեխան ծնվել է ճակատի վնասվածքով

img9470_XplnK.jpeg

Զանգել երեխայի լացի ձայն են միացրել ու անջատել․ ինչ է պատմում Տիգրանի պապիկը

img9443_a7mVN.jpeg

Հովիվը գետում մարմին է հայտնաբերել

img9438_T8Nmp.jpeg

Գումար, փաստաթղթեր, ամեն ինչ վառել են, դա միայն թուրքը կաներ. Այնթապում տան դուռը փակել և հրկիզել են