Կորոնավիրուսից վտանգավոր նոր հիվանդություն է տարածվում. արդեն զոհեր կան

Մոնղոլիայում ստեղծված իրավիճակի պատճառով Չինաստանում այտուցային ժանտախտի տարածման ռիսկ կա, գրում է The Daily Mail-ը:

Մոնղոլիայում վարակման 3 նոր դեպք է հայտնաբերվել, եւ երկրի իշխանությունները հայտարարել են, որ այժմ Մոնղոլիայի 21 շրջաններից 17-ը գտնվում են ժանտախիտ հետագա տարածման ռիսկի գոտում:

Այս պահի դրությամբ Մոնղոլիայում գրանցվել է վարակման 16 դեպք: Հայտնի է դարձել Չինաստանում ժանտախտից մահվան դեպքերի մասին: Այս պահի դրությամբ Չինաստանում ժանտախտը գրեթե հաղթահարված է, սակայն առանձին դեպքեր դեռ հանդիպում են:

Վերջին խոշոր բռնկումը երկրում տեղի է ունեցել 2009 թվականին: Այդ ժամանակ Ցզիկետան քաղաքում մի քանի մարդ է մահացել: Հուլիսի 14-ին Մոնղոլիայում այտուցային ժանտախտից մահվան առաջին դեպքն է գրանցվել:

Հայտնի է, որ մահացած պացիենտը 15-ամյա երեխա է, ով մահացել է հիվանդանոց տեղափոխվելու ճանապարհին:

Նշվում է, որ դրանից մի քանի օր առաջ նա իր ընկերների հետ մոնղոլական արջամուկի մսից պատրաստված ուտելիք է կերել:

Մեկ այլ դեպք է գրանցվել հուլիսի վերջին:

Դրանից հետո տարածաշրջանում անժամկետ կարանտին է սահմանվել։