Կորոնավիրուսի դեմ ամենից արդյունավետ դեղամիջոցը գտնվել է․ վերոնիկա սկվորցովա

Ռուս գիտնականները հայտարարել են, որ գտնվել է կորոնավիրուսի դեմ ամենից արդյունավետ պրեպարատը, որը ամբողջովին արգելափակում է կորոնավիրուսային ինֆեկցիայի զարգացումը։

Այս մասին հայտարարել է ՌԴ Բժշկա-կենսաբանական դաշնային ծառայության մամուլի ծառայությունը։

Ըստ այդ կառույցի ղեկավար Վերոնիկա Սկվորցովայի, հետազոտությունների արդյունքում պարզվել է, որ «Մեֆլոխին» տեսակի դեղամիջոցը կորոնավիրուսի հարուցիչների դեմ ունի հակավիրուսային ակտիվություն։

«Ապացուցվել է, որ «Մեֆլոխինը» ամբողջությամբ արգելափակում է SARS-CoV-2 վիրուսի ցիտոպատրիկ զարգացումը բջջի կուլտուրայում՝ 2 մգ/լիտր կոնցենտրացիայում։

Նման կոնցենտրացիան արյան պլազմայում ձեւավորվում է այն ժամանակ, երբ դեղամիջոցն ընդունում են թերապեւտիկ դոզաներով, որոնք թույլատրված են ընդունել մարդկանց համար»,- ասել է նա։