Ինչպես տարբերել COVID-19-ը հասարակ մրսածությունից

Ինչպես տարբերել COVID-19-ը հասարակ մրսածությունից

Medicine Ipress 2020-04-15 21:42:00 1815
Հետևեք մեզ՝ Telegram-ում
jg_QPZlL.jpg

Ամերիկացի գիտնականների նոր հետազոտոտությունը ցույց է տվել՝ ինչպես կարելի է տարբերել կորոնավիրուսի նոր տեսակով պայմանավորված COVID-19-ը հասարակ մրսածությունից։ Ինչպես գրում է korrespondent.net կայքը, գիտնականների հետազոտության արդյունքները հրապարակել է Eurekalert-ը։

Փորձագետների խոսքով՝ COVID-19-ը վաղ փուլերում հայտնաբերելու համար առանցքային ախտանշան է հանդիսանում հոտառության կորուստն անգամ բաց շնչուղիների դեպքում։ «COVID-19-ը կապված չէ վիրուսային բնույթ կրող մրսածությանը բնորոշ ախտանշանների հետ, ինչպիսին են քթի փակվածությունը կամ լորձի արտազատումը։ Սա նաև թույլ է տալիս հեշտությամբ տարբերել COVID-19-ը սեզոնային ալերգիայից», — նշում է հետազոտության հեղինակներից մեկը՝ Ցիցինատիի համալսարանի բժշկական ֆակուլտետի օտորինոլարինգոլոգիայի և վիրաբուժության ամբիոնի դոցենտ Ահմադ Սեդաղատը։

Գիտնականների կարծիքով՝ հոտառության կորուստը, որը չի ուղեկցվում քթի խոռոչի հետ կապված խնդիրների մասին հուշող այլ ախտանշաններով, վկայում է, որ հիվանդին հարկավոր է անհապաղ մեկուսացնել և կորոնավիրուսի թեստ անցկացնել։

Միևնույն ժամանակ Նյու Յորքի համալսարանի Գրոսմանի անվան բժշկական դպրոցի գիտնականները ներկայացրել են այն ախտանշանները, որոնք հուշում են կորոնավիրուսային վարակի ծանր ընթացքի մասին։ Գիտնականների հետազոտության արդյունքները հրապարակվել են MedRxiv պորտալում։

Հետազոտության շրջանակներում գիտնականները վերլուծել են Նյու Յորքում կորոնավիրուսով վարակված 4103 մարդու տվյալները։ Հիվանդների գրեթե կեսն (1999-ին) ունեցել է հոսպիտալացման կարիք, իսկ 650 մարդ ի վերջո կամ հայտնվել է ինտենսիվ թերապիայի բաժանմունքում և կարիք է ունեցել թոքերի արհեստական օդափոխման, կամ մահացել է։

Հիվանդության կլինիկական պատկերի վերլուծությունը ցույց է տվել, որ հիվանդության՝ ծանր ընթացքով տեսակի վերածվելու հավանականությունն ավելի բարձր է այն հիվանդների մոտ, որոնց օրգանիզմում հոսպիտալացման վաղ փուլում ֆերիտինի, D-դիմերի և C-ռեակտիվ սպիտակուցի ցուցանիշները բարձր են եղել։ Բացի այդ, հետագայում բարդությունների զարգացման բարձր հավանականության մասին է վկայում նաև արյան մեջ թթվածնի ցածր մակարդակը (88 տոկոսից պակաս)։

Մասնագետները նաև ընդգծում են, որ առավել հաճախ հիվանդությունը ծայրահեղ ծանր ընթացք է ստանում ճարպակալումով հիվանդների դեպքում։ Մասնագետների խոսքով՝ ճարպակալման դեպքում COVID-19-ի ծանր տեսակով վարակվելու հավանականությունն ավելի բարձր է, քան սրտամկանի կամ թոքերի հիվանդություների դեպքում։

Поделиться
Класс
Send
8d078e6a-68ab-4359-9e77-9ef17a2c73e2_shCz_.jpeg

Ռուբլին էժնացավ. Կենտրոնական բանկը նոր թվեր հրապարակեց դոլար

zovq_aF2mX.jpg

Նկուղային հարկում՝ արկղերով և ալյուրի պարկերով քողարկված հայտնաբերվել է փակ դուռ. ինչ է բացահայտվել «ՆՈՐ ԶՈՎՔ»-ում (տեսանյութ)

kalendar_mLIBS.jpg

Մարտ ամսվա տոնական և ոչ աշխատանքային օրերը

arus-1_zXIsK.jpg

Լույս աշխարհ է եկել Արուսիկ Տիգրանյանի առաջնեկը․ Հուզիչ տեսանյութ

erexa-karen_1JdMt.jpg

14 տարի երեխա չունենալուց հետո հաղորդավար Տիգրան Հարությունյանը հայր կդառնա. Հուզիչ տեսանյութ

norapsakner_m7AAE.jpg

Նոր մանրամաաներ հանգստատանը մահացած հայտնաբերված նորապսակների դեպքից

dolar-3_i6zo3.jpg

Ռուբլին և դոլարը կտրուկ էժանացել են. ԿԲ

6cffc0aa-1229-4392-9a00-154293e3d2fa_ra1Gr.jpeg

Ապրիլի 1-ից ԱՊՊԱ սակագները կփոփոխվեն

3b80f662-5f1b-4b86-8aad-cfcda57c9549_fpyCQ.jpeg

Հայտնի է Շիրակի մարզի ավտոտնակում հայտնաբերված 18֊ամյա աղջկա եւ 26-ամյա տղայի կյանքից զրկվելու պատճառը

rubli_VfN0b.jpg

Ցածր փոխարժեքներ սահմանեց Կենտրոնական բանկը

norapsakner_UY9iF.jpg

Ողբերգական դեպք․ Մեղրամիսը վայելելու գնացած նորապսակներին գտել են հանգստատանը մահացած

dolar-2_0C7Qt.jpg

Քիչ առաջ նոր փոխարժեքներ սահմանեց Կենտրոնական բանկը