45 կիլոգրամ նիհարած կանադացի կինը թվարկել է երեք սկզբունք, որոնք թույլ են տվել իրեն հաջողության հասնել: Այս մասին կինը խոսել է Women’s Health-ին տված հարցազրույցում: Կանադայի Նոր Շոտլանդիա նահանգի Քարի անունով բնակչուհին հայտնել է, որ չի պահպանում չափազանց խիստ սննդակարգ, ընդհակառակը, սնունդ է ընտրում`ելնելով համային նախասիրություններից:
Իր խոսքով՝ սննդի մեջ ամենակարևորը սպառված կալորիաների քանակի հետևելն է: Քարին պատմում է, որ այս մեթոդը թույլ է տալիս իրեն մնալ էներգեիայով լի և արձագանքել մարմնի կարիքներին: Երկրորդ «հայտնագործությունը» կանադացի կնոջ համար իր վերաբերմունքն էր մարզվելուն: Նա պարզել է, որ հաճույք է ստանում ինքն իրեն մարտահրավեր նետելուց:
Կինը շեշտել է, որ մարզվելու նկատմամբ «դրական» վերաբերմունքը փոխել է իր մտածողությունը: Բացի դա, Քարին կարևորել է նաև այլ մարդկանց աջակցությունը: Նա միացել է թեմատիկ համայնքների և սկսել շփվել նիհարող այլ մարդկանց հետ: Կանադուհին նշել է, որ իրեն պատասխանատու է զգացել նրանց առջև, ինչը նպատակին հասնելու լրացուցիչ խթան է հանդիսացել:
Քարին արդեն 12 տարի է՝ կարողանում է պահպանել իր քաշը: Հարցազրույցում նա նշել է, որ իրեն հաջողվել է գտնել իր նախընտրած մարզաձևը: Այժմ Քարին փորձում է օգնել այլ մարդկանց ՝ իրենց նպատակներին հասնելու համար, ինչպես նաև հուսով է, որ իր պատմությունը մեկի համար օրինակ կդառնա:
English
Русский
