4 բուսական մթերք, որոնք պարունակում են մեծ քանակությամբ երկաթ

4 բուսական մթերք, որոնք պարունակում են մեծ քանակությամբ երկաթ

Medicine Ipress 2020-03-05 23:39:00 204
Հետևեք մեզ՝ Telegram-ում
ironfoodsthumb_Sra_I.jpg

Երկաթը շատ կարևոր նյութ է օրգանիզմի համար, իսկ դրա դեֆիցիտը կարող է դառնալ առողջական լուրջ խնդիրների, այդ թվում՝ երկաթդեֆիցիտային անեմիայի (սակավարյունություն) զարգացման պատճառ: Այս տարրի մակարդակն օրգանիզմում բարձրացնելու համար մարդիկ սովորաբար օգտագործում են կենդանական ծագման մթերք, սակայն երկաթով հարուստ կարող է լինել նաև բուսական ծագում ունեցող մթերքը, ինչը լավագույն այլընտրանքային տարբերակն է բուսակերների համար:

Մասնագետներն ընդգծում են, որ բուսական ծագում ունեցող երկաթն օրգանիզմն բավական լավ չի յուրացնում, ուստի այն ավելի լավ յուրացնելու համար հարկավոր է համադրել վիտամին C-ի հետ, որը մեծ քանակությամբ պարունակվում է ցիտրուսային մրգերի, բրոկոլիի և լոլիկի մեջ: Ձեր ուշադրությանն ենք ներկայացնում 4 բուսական մթերք, որոնք պարունակում են մեծ քանակությամբ երկաթ:

Ոսպ

Ոսպը հարուստ է ոչ միայն երկաթով, այլև բուսական սպիտակուցներով: Ընդ որում՝ օրգանիզմը շատ լավ յուրացնում է ինչպես առաջին բաղադրիչը, այնպես էլ երկրորդը: Ոսպը հիանալի մթերք է ապուրներ, աղցաններ և անգամ խյուս պատրաստելու համար, ուստի այն կարելի է հեշտությամբ ներառել ամենօրյա սննդակարգում:

Հնդկական ընկույզ (քեշյու)

Ընկույզի այս տեսակը հայտնի է իր հաճելի ու նուրբ համով: Այն կարելի է վերածել մածուկի և օգտագործել բուտերբրոդներ պատրաստելու համար: Այն պարունակում է մեծ քանակությամբ հանքանյութեր, ինչպես նաև В և С վիտամիններ:

Կինոա

Անդյան լեռներում աճող այս հացահատիկը նույնպես պարունակում է մեծ քանակությամբ երկաթ ու սպիտակուցներ: Այն կարող է հիանալի փոխարինող միջոց լինել բրնձին:

Արևածաղկի սերմեր

Արևածաղկի սերմերն ատամներով կեղևազրկելը կարող է այդքան էլ օգտակար չլինել ատամների համար, սակայն այս սերմերը հարուստ են մեծ քանակությամբ հանքանյութերով, ուստի շատ օգտակար են ամբողջ օրգանիզմի համար: Արևածաղկի սերմերը կարելի է օգտագործել որպես առանձին մթերք, ինչպես նաև հավելել աղցաններին և այլ ուտեստներին:

Նյութի աղբյուրը՝ medikforum. ru

Поделиться
Класс
Send