Կորոնովիրուսի վարակման ևս 2 դեպք է գրանցվել. վարակվածների թիվը հասավ 8-ի. Արսեն Թորոսյան

 Facebook-ի իր էջում ուղիղ եթերում  Առողջապահության նախարար Արսեն Թորոսյանը հայտարարել է.

Եվս երկու հոգու մոտ հաստատվել է կորոնավիրուսի վարակման դեպք:

Այսպիսով վարակված անձանց թիվը հասավ 8-ի:

Նրա խոսքով, հաստատված դեպքերը Էջմիածնի կորոնավիրուսով հիվանդ անձի հետ շփում ունեցած և մեկուսացված անձնաց շրջանակից են։

Նախարարը հատուկ հորդոր հղեց տարեցներին ու խրոնիկ հիվանդություններ ունեցողներին։

«Խնդրում եմ նրանց առավելագույնս սահմանափակել շփումները, հնարավորության դեպքում կամ մնալ տանը, կամ կոնտակտները քչացնել այլ անձնաց հետ, քանի որ իրենք ամենախոցելի խավն են ու ընդհանրապես սուր շնչառական վիրուսների, գրիպի համար, կորոնավիրուսի համար ևս։ Մենք բոլորս պետք է պատասխանատվություն ունենանք պաշտպանելու մեր խոցելի քաղաքացիներին»,-ասաց Արսեն Թորոսյանը։