Ծայրահեղ ծանր վիճակով Վանաձորի ԲԿ հասցված երեխայի կյանքը փրկվել է

Ծայրահեղ ծանր վիճակով Վանաձորի ԲԿ հասցված երեխայի կյանքը փրկվել է

Medicine Ipress 2024-07-29 12:47:00 12051
Հետևեք մեզ՝ Telegram-ում
erexayi-kyanqy-prkvel-e_RHbOm.jpg

Հուլիսի 26-ին ծայրահեղ ծանր վիճակում Տաշիրի բժշկական կենտրոնից շտապ բուժօգնության մեքենայով Վանաձորի բժշկական կենտրոն է տեղափոխվել 5-ամյա երեխա՝ պոլիտրավմա ախտորոշմամբ:

Վանաձորի բժշկական կենտրոնի մամուլի ծառայության հաղորդմամբ, երեխան վնասվածքը ստացել էր վրաերթի հետևանքով:

Ընդունման պահին երեխայի վիճակը գնահատվել է ծայրահեղ ծանր, ունեցել է ներքին արյունահոսություն: Փոքրիկն անմիջապես տեղափոխվել է վիրահատարան, հեռացվել է փայծաղը, դադարեցվել է արյունահոսությունը:

Բժիշկներին հաջողվել է երեխայի վիճակը կայունացնել:

Իրականացված բոլոր անհրաժեշտ հետազոտություններից ու համապատասխան բժշկական օգնություն ցուցաբերելուց հետո՝ հետագա նեղ մասնագիտական բուժում ստանալու նպատակով փոքրիկը ռեոնոմոբիլով տեղափոխվել է Երևան՝ մասնագիտացված բուժհաստատություն:

Поделиться
Класс
Send