Ինչ է կապիկի ծաղիկը, ինչպես են վարակվում և որոնք են ախտանշանները

Ինչ է կապիկի ծաղիկը, ինչպես են վարակվում և որոնք են ախտանշանները

Medicine Ipress 2022-05-27 21:12:00 735
Հետևեք մեզ՝ Telegram-ում
kapiki-cagik_g_bOf.jpg

Ըստ Առողջապահության համաշխարհային կազմակերպության (ԱՀԿ)` վերջին շաբաթների ընթացքում աշխարհում արձանագրվել է կապիկի ծաղիկ հիվանդության շուրջ 80 դեպք առնվազն 12 երկրում, և ևս 50 կասկածելի դեպք հետազոտվում է։

Հիվանդության դեպքերը հաստատվել են եվրոպական ինը երկրում (Մեծ Բրիտանիա, Իսպանիա, Պորտուգալիա, Գերմանիա, Բելգիա, Ֆրանսիա, Նիդեռլանդներ, Իտալիա և Շվեդիա), ինչպես նաև ԱՄՆ-ում, Կանադայում և Ավստրալիայում։ Մինչ այժմ, հիվանդության դեպքերն արձանագրվել են Աֆրիկյան երկրներում կամ կապված են եղել այդ երկրներ ճանապարհորդության հետ։

Ինչ է կապիկի ծաղիկը

Կապիկի ծաղիկը վարակիչ հիվանդություն է, որը պայմանավորված է նույնաուն վիրուսով։ Որոշ ընդհանուր ախտանիշներ են տենդ, գլխացավեր եւ մկանային ցավեր, եւ թեեւ դա թեթեւ հիվանդություն է, որը ժամանակի ընթացքում անցնում է, որոշ դեպքերում կարող են առաջանալ լուրջ ախտանիշներ, եւ շատ հազվադեպ դեպքերում դա կարող է նաեւ հանգեցնել մահվան: Այս մասին գրում է The Sun-ը։ Կապիկի ծաղկի վիրուսը (Orthopoxvirus) նման է բնական ծաղկի վիրուսին: Այն հիմնականում արձանագրվում է Կենտրոնական և Արևմտյան Աֆրիկայի հեռավոր շրջաններում:

Ինչպես են վարակվում

Սա հազվագյուտ վիրուս է, որը փոխանցվում է մարդուն կենդանուց։ Վիրուսը մարդուն փոխանցվում է հիմնականում վայրի կենդանիներից, ինչպիսիք են՝ կրծողները և պրիմատները (շիմպանզե, գորիլա, օրանգուտանգ և այլն): Վարակումը կենդանիներից տեղի է ունենում կենդանիների (վարակված) արյան, կենսաբանական հեղուկների, ինչպես նաև վնասված մաշկի կամ լորձաթաղանթի հետ անմիջական շփման արդյունքում:

Ռիսկի հավանական գործոններից է՝ համապատասխան ջերմային մշակման չենթարկված, վարակված կենդանիների մսի օգտագործումը: Վարակի փոխանցումը մարդուց մարդու սահմանափակ է և հիմնականում տեղի է ունենում օդակաթիլային ճանապարհով և/կամ ախտահարված հյուսվածքի հետ երկարատև սերտ շփման արդյունքում։

Հայտնի է, որ կապիկի ծաղիկը փոխանցվում է երկարատև սերտ շփման, ինչպես նաև օգտագործված սրբիչի և անկողնային պարագաների միջոցով: Վարակի դեմ մասնահատուկ բուժում կամ պատվաստանյութ դեռևս չկա, սակայն վարկած կա, որ բնական ծաղիկի դեմ նախկինում ստացված պատվաստումը ապահովում է կապիկի ծաղկի արդյունավետ կանխարգելումը:

Հիվանդության ընթացքը

Հիվանդության գաղտնի շրջանը սովորաբար տևում է 5-21 օր, բնորոշ ախտանշաններն են՝ տենդ, սաստիկ գլխացավ, լիմֆատիկ հանգույցների մեծացում, ցավ մեջքի շրջանում, մկանացավ, արտահայտված թուլություն: Տենդի սկզբից 1-3 օր անց ի հայտ է գալիս ցանավորումը, ցանը սկսվում է դեմքի շրջանից և ապա տարածվում մարմնի տարբեր հատվածներում:

Կանխարգելումը

Կապիկի ծաղկի կանխարգելման նապատակով անհրաժեշտ է.

• խուսափել ախտանշաններ ունեցող անձի հետ երկարատև սերտ շփումից,

• չներկրել Էկզոտիկ կապիկներ (պրիմատներ) և կրծողներ,

• կենդանական միս կամ դրանց մասեր պարունակող բոլոր մթերքները ենթարկել բավարար ջերմային մշակման, որը պաշտպանում է ինչպես այս, այնպես էլ՝ այլ վարակիչ հիվանդություններից,

• կենդանաբանական այգիներ այցելելիս խուսափել կապիկների և կրծողների հետ շփումներից։

Поделиться
Класс
Send
dolar-rubli_pE6VR.jpg

Կտրուկ տատանումներ. Փոխարժեքները նվազեցին

vtar-2_mXjiF.jpg

Լուսանկարներ. Խոշոր ու ողբերգական ավտովթար՝ Արագածոտնի մարզում. բախվել են ԳԱԶ 53-ն ու Opel-ը

sirusho-1_B3N2P.jpg

Սիրուշոն տեսանյութ է հրապարակել

yuri-shatuov-2_DcTvC.jpg

«Ամբողջ օրը շրջել է սրտի կաթվածով». Բժիշկը պատմել է Յուրի Շատունովի մահվան մանրամասները

dolar-1_3mYtv.jpg

ՀՀ Կենտրոնական բանկը նոր փոխարժեքներ է սահմանել

vraerty_SDQtC.jpg

Մահվան ելքով վրաերթ. 60 ամյա բնակչուհին մահացել է

puti-kreml_ijrp1.jpg

Ահա թե ինչու էր Պուտինը գիշերը շտապել Կրեմլ

yuri-shatuov-1_6nUf3.jpg

Յուրի Շատունովի անհայտ երկրպագուն հրաժեշտի արարողությանը մի բեռնատար կարմիր վարդեր է ուղարկել. Տեսանյութ

vtar_eXOVD.jpg

Խոշոր ավտովթար Տավուշի մարզում. Կան մեծ թվով վիրավորներ

tata-simonyan-hovhannes-vardanyan_8NiPA.jpg

Մեր սիրելի ընկեր. Թաթա Սիմոնյանը՝ Հովհաննես Վարդանյանի մասին

sirusho_Jkcqp.jpg

Հայտնի է Սիրուշոյի դստեր անունը

vtar-1_yuwZH.jpg

Ողբերգական ավտովթար. Վահե Ներսիսյանը մահացել է