Ավտովթար՝ Արարատի մարզում. Փրկարարները, բժիշկներն ու պարեկները մի քանի կիլոմետր ոտքով են մոտեցել վթարի վայրին

Այսօր՝ հունիսի 9-ին, ավտովթար է տեղի ունեցել Արարատի մարզում։ Ժամը 14:35-ի սահմաններում ՀՀ Ներքին գործերի նախարարության Փրկարար ծառայության 911 ճգնաժամային կառավարման ազգային կենտրոն ահազանգ է ստացվել «Արարատ» բժշկական կենտրոնի շտապօգնության հերթապահ բժշկից, ով հայտնել է, որ «Խոսրովի արգելոցի» տարածքում ավտովթար է տեղի ունեցել և անհրաժեշտ է փրկարարների օգնությունը։ Ահազանգով նաև հայտնել է, որ ներսում կան երեխաներ։

Բժիշկները, փրկարարները ու պարեկները մոտ մի քանի կմ ոտքով են քայլել, քանի որ ճանապարհն անանցանելի է, իսկ արդեն շտապօգնության բժիշկներին օգնել են 2 քաղաքացիներ և արգելոցի աշխատակիցները, ովքեր օգնել են վիրավորին պատգարակով մոտեցնել շտապօգնության ավտոմեքենային։

Վիրավորը տեղափոխվել է Վեդու բժշկական կենտրոն, որտեղ բժիշկները նրա առողջական վիճակը գնահատել են բավարար։

Փրկարարները և պարեկները տեղազննման արդյունքում այլ տուժածներ չեն հայտնաբերել։

Հրշեջ-փրկարարները այնուհետև հոսանքազրկել ավտոմեքենան, փակել գազաբալոնի փականը։

Պարզվել է որ վթարը տեղի է ունեցել «Բաղչաձող» կոչվող հատվածում. «Պիկապ» մակնիշի ավտոմեքենան, որը վարել է 34-ամյա Սմբատ Սարգսյանը, դուրս է եկել երթևեկելի գոտուց և մի քանի մետր գլորվել։