Երեկ մենք ասացինք, որ մեր մեծագույն խնդիրն այս պահին տեսնում ենք դիմակների կրման հետ կապված կարգապահությունը և այսօր այդ առիթով կայացրել ենք որոշումներ: Այս մասին պարետատան նիստից հետո կայացած ճեպազրույցում ասաց ՀՀ վարչապետ Նիկոլ Փաշինյանը:
«Եվ որոշումը հետևյալն է. Նախ վաղվանից ՀՀ բոլոր քաղաքացիների համար պարտադիր կլինի անձը հաստատող փաստաթղթի կրումը: Խոսքը՝ անձնագրի, ID քարտի, կամ վարորդական իրավունքի մասին է»,- ասաց վարչապետը:
Խոսելով որոշման պատճառների մասին՝ Փաշինյանը նշեց.
«Շատ դեպքերում, երբ դիմակը կրելու կանոնները խախտելու համար վարչական վարույթ սկսելու հարց է առաջանում փողոցում, քանի որ քաղաքացիները չեն ունենում անձը հաստատող փաստաթուղթ, պրոցեսի էֆեկտիվությունը լրջորեն տուժում է»:
Այսպիսով. դիմակի չկրելն ու անձը հաստատող փաստաթուղթ չունենալը կլինեն առանձին իրավախախտումներ և յուրաքանչյուրն առանձին-առանձին կենթարկվի տուգանքի՝ 10 հազար դրամի չափով:
English
Русский
