Սուրեն Պապիկյանին հաջողվել է այն, ինչը որևէ նախկինի չի հաջողվել. ՖՈՏՈ

Hayeli.am-ը գրում է.Վերը պատկերոված լուսանկարները զուգահեռ իրականությունների մասին են։ Առաջին նկարում պաշտպանության նախարար Սուրեն Պապիկյանի ճոխ հարսանիքն է, որի համար, ըստ մամուլում տեղ գտած տարբեր հրապարակումների, ծախսվել է 20 մլն դրամ։ Թե որտեղից նման գումար ողջ կյանքում պատմության ուսուցիչ, իսկ վերջին 4 տարում պետական պաշտոններ զբաղեցրած Սուրեն Պապիկյանին, առանձին հարց է, որը պետք է, որ գրավի կոռուպցիայի խնդիրներով զբաղվող պետական մարմինների ուշադրությունը։

Երկրորդ լուսնկարում առաջնագծում ոտքից վիրավորում ստացած ժամկետային զինծառայողին տեղափոխաղ մեր զինվորներն են։ Նրանք ձեռքով տեղափոխել են իրենց ընկերոջը, և այդ պահը ֆիքսվել, նկարվել ու տարածվել է ադրբեջանական կողմի ջանքերով։ Վիրավորված զինվորը մահացել է։ Պետք չէ բժշկական լուրջ գիտելիքներ ունենալ՝ հասկանալու համար, որ ոտքից վիրավորումը մահացու չէ, եթե ժամանակին ցուցաբերվում է առաջին բուժօգնություն։ 21-րդ դարում, երբ մադկությունը հազար ու ի մեքենա և թռչող սարք է հայտնաբերել, մենք մեր վիրավոր զինվորին դիրքերից տեղափոխում ենք մարդկային ուժով, այսինքն ՝չվիրավորված զինվորների ուժով։ Սա ոչ թե նոնսենս է, այլ խայտառակություն։

Ադրբեջանցիները, որոնք արձանագրել են այդ պրոցեսը, հանգիստ կարող էին վիրավորել կամ սպանել նաև մյուս զինվորներին։ Ընդ որում, լուսանկարից երևում է, որ մեր դիրքապահ զինվորների վրանները սպիտակ են, այն դեպքում, երբ ձմեռը վաղուց անցել է, ու տարվա այս եղանակին բնությունը առավելապես կանաչ է։ Տպավորություն է, թե մեր զինվորիներին հատուկ են պահում սպիտակ վրանների մեջ, որ թշնամին կարողանա հեշտությամբ թիրախավորել նրանց։ Ինչո՞ւ է զոհվել ոտքից վիրավորված զինվորը․ այս հարցի պատասխանը պետք է տա շքեղ հարսանիքի փեսացու, պաշտպանության նախարար Պապիկյանն է։ Ինչո՞ւ են դիրքապահ զինվորնները նման անպաշտպան դիրքում ու պայմաններում․ այս հարցը ևս պահանջում է պատասխան, որի հասցեատերը, բացի փեսացու Պապիկյանից, նաև բանակին մայկա-տռուսիկով ու ելակ-բանանով ապահոված Նիկոլ Փաշինյանն է։

Փաստորեն, այս երկուսը միասին կարողացել են մեր զինվորներին հասցնել այնպիսի նսեմացուցիչ խայտառակության, որը կարող է դասագրքային դառնալ․ որպես օրինակ՝ այն մասին, թե ինչպիսին չպիտի լինի առաջին գծի պաշտպանությունը։