«Հրապարակ»-ը գրում է․ «Երեկ Բագրատ սրբազանի առաջնորդած շարժումը, ինչպեսև նախապես հայտարարվել էր, մեկնեց Սյունիք` սյունեցիների հետ եռօրյա հանդիպումների:
Սրբազանին նախ դիմավորել են Վայքում, ապա՝ աղ ու հացով Սյունիքի դարպասների` Զանգերի մոտ: Շարասյունը, ոստիկանների ուղեկցությամբ, շարժվել է դեպի Մեղրի:
Մարդկանց հետ զրուցելով, շփվելով` Բագրատ սրբազանը շրջել է Մեղրիի բնակավայրերում և երեկոյան ուշ ժամի հասել Նռնաձոր համայնք, որտեղ կանգ են առել Ժորա անունով քաղաքացու տանը:
Պարզվում է, նա երկար ժամանակ երազել է սահմանի վրա տուն ունենալ, և նրան այդ տունը գնել ու նվիրել է այժմ Բաքվի բանտում գտնվող Ռուբեն Վարդանյանը»։
English
Русский
