Որ դեպքում է հնարավոր խուսափել կորոնավիրուսով վարակվելուց.Տեսանյութ

1.am-ը գրում է.

Հայաստանում կորոնավիրուսով վարակված 25 նոր դեպք ունենք, սակայն մեր երկրի տվյալները համեմատելի չեն վարակի օջախ համարվող երկրների՝ Իտալիայի, Իսպանիայի, ԱՄՆ-ի, Գերմանիայի, Ֆրանսիայի տվյալների հետ։

Այնուամենայնիվ, մեր այս ցուցանիշն ինչի՞ մասին է խոսում, մենք դեռ շարունակական ա՞ճ ենք ունենալու աղբյուրի ի հարցին ԵՊԲՀ իմունալոգիայի ամբիոնի վարիչ Արմինե Հակոբյանը պատասխանեց․ «Գիտեք, հիմնվելով համաշխարհային փորձին, կարելի է, երևի թե ասել՝ այո, մենք դեռ այդքան աճ չենք գրանցել։ Ես կարծում եմ՝ այդ ամենը բավարար կանխարգելիչ միջոցառումներ իրականացնելու պատճառով է։ Ունենալով մեկ դեպք, ճիշտ է, կարանտին չհայտարարվեց, բայց դադարեցրին ուսումնական հաստատությունների աշխատանքները։ Ես չեմ տիրապետում այնպիսի ինֆորմացիայի, որ միայն մեկ վարակված դեպքի ժամանակ դադարեցվի ուսումնական հաստատությունների աշխատանքը։ Այնպես որ, ես կարծում եմ, որ կանխարգելիչ աշխատանքներն արվել են։ Այն երկրները, որոնք ժամանակին դա չարեցին, այդ երկրներում սկսվեց անզուսպ տարածվել վարակը։ Լինելով բուժաշխատող, տեսնելով, թե ինչպես է կազմակերպվում ամբողջ համակարգի աշխատանքը, կարող եմ ասել, որ այո, կառավարելիության մասով մեզ մոտ ամեն ինչ կարգին է»։

Մենք ունենք կորոնավիրուսից առողջացած 18 անձ, որոնց հիմա այդ վիրուսն այլևս չի՞ սպառնում․ «Առաջին լրատվական»-ի հարցին Արմինե Հակոբյանը պատասխանեց․ «Այսօրվա տվյալներն այն են, որ սա, ինչպես ցանկացած վիրուսային ինֆեկցիա, օրինակ՝ ջրծաղիկը կամ H1N1-ը, իր հետևից թողնում է կայուն իմունիտետ։ Այսինքն՝ հիվանդանալու հնարավորություն էլ չկա։ Բայց կրկին նշեմ՝ եթե առաջնորդվում ենք այն տվյալներով, որոնք այսօր կան։ Այսօր 3-4 ամսվա պատմություն ունենք այդ վիրուսի հետ կապված, և հետազոտման տվյալներն օրեցօր թարմացվում են»։