Վարչապետի օգնական Նաիրի Սարգսյանն իր ֆեյսուքյան էջում գրում է .
«Կառավարությունն ընդունեց արտակարգ որոշում: Բոլոր այն երեխաները (0-18տ), ում երկու ծնողները չունեն գրանցված աշխատանք, կստանան 26.500 դրամ մեկանգամյա աջակցություն:
Մեր կանխատեսումներով այն կվերաբերվի շուրջ 200.000 երեխաների և ծախսը կկազմի 5.3 միլիարդ դրամ: Բացառություն են կազմում ընտանեկան նպաստ ստացող ընտանիքները:
Այս որոշման մասով աշխատանք չունեցող են համարվում այն անձինք ովքեր աշխատանք չեն ունեցել առնվազն մարտի 12-ից 31-ն ընկած ժամանակահատվածում: Դիմելու կարգը կհաստատվի մինչև ապրիլի 10-ը:
Օրինակ՝ հայրը տաքսու վարորդ է, մայրը՝ դայակ մասնավոր անձանց տներում, ունեն 3 անչափահաս երեխա, կստանան 79.500 դրամ մեկանգամյա աջակցություն»:
English
Русский
