Ողբերգական դեպք Երևանում․ նորածին է մահացել

Այսօր, հուլիսի 26-ին, ողբերգական դեպք է տեղի ունեցել Երևանում։ Քիչ առաջ «Սուրբ Աստվածամայր» բժշկական կենտրոնում մահացել է 2 օրեկան նորածին աղջիկ։

Երեխան ծնվել է 2 օր առաջ Գեղարքունիքի մարզի բժշկական կենտրոններից մեկի ծննդատանը, այսօր երեխայի վիճակը վատացել է, և նրան տեղափոխել են «Սուրբ Աստվածամայր» բժշկական կենտրոն, որտեղ էլ մահացել է,այս մասին հայտնում է Shamshyan.com-ը:

Աղբյուրի տեղեկություններով՝ երեխայի հարազատները կատարվածի մասին արդեն դիմել են Ոստիկանության Շենգավիթի բաժին, որտեղ փաստի առթիվ հետաքննչական բաժանմունքում նյութեր են նախապատրաստվում։

Երեխայի 28-ամյա մայրն այս պահին գտնվում է հիվանդանոցում, բժիշկների հսկողության տակ, իսկ աղջնակը նրանց առաջնեկն էր, և ծնողները երեխայի մահվան մեջ մեղադրում են իրենց մարզի բժշկական կենտրոնի բժիշկներին, այլ ոչ թե «Սուրբ Աստվածամայր» բժշկական կենտրոնի բժիշկներին, ասելով, որ «Սուրբ Աստվածամայրում» ամեն ինչ արել են երեխայի կյանքը փրկելու համար, և իրենք հոգատար վերաբերմունքի են արժանացել, սակայն անզոր են եղել։