Նոր մանրամասներ Սլովակիայի վարչապետի դեմ մահափորձից

Սլովակիայի վարչապետ Ռոբերտ Ֆիցոյի դեմ մահափորձ է կատարել 71-ամյա գրող, գրական ակումբի հիմնադիրը, հայտնում է հեռուստաալիքներից մեկը, փոխանցում է «ՌԻԱ Նովոստի»-ն:

Ֆիցոյի դեմ մահափորձը տեղի է ունեցել Բրատիսլավայից 190 կիլոմետր հեռավորության վրա գտնվող Գանդլովա քաղաքում, որտեղ անցկացվել է կառավարության նիստ։ Վարչապետը դուրս է եկել հանրության առաջ, և այդ պահին կրակոցներ են հնչել։

Ինչպես հայտնում է Pravda-ն, Ֆիցոն վիրավորվել է կրծքավանդակի և որովայնի շրջանում։

Reuters-ը հայտնում է, որ նրան առաջին օգնություն են ցույց տվել տեղի կլինիկայում, այնուհետև տեղափոխել են «ավելի բարձր մակարդակի բժշկական հաստատություն»: «Պրավդան» պարզաբանել է, որ քաղաքական գործչին ուղղաթիռով տեղափոխել են Բրատիսլավա։

Հարձակվողին տեղում բերման են ենթարկել։ Նա 1953 թվականին ծնված տղամարդ է: Նա կրակել է օրինական գրանցված կարճփողանի զենքից։