Վարչապետ Նիկոլ Փաշինյանը պարետատան նիստից հետո հանդես է գալիս բրիֆինգով, որին մասնակցում են նաև Տարածքային կառավարման և ենթակառուցվածքների նախարար Սուրեն Պապիկյանը և Շտապ օգնության «Կենտրոն» ենթակայանի սրտային վերակենդանացման բրիգադի բժիշկ Տիգրան Գևորգյանը:
Փաշինյանը հայտնեց, որ երեկ ՀՀ-ում կորոնավիրուսով վարակման 566 նոր դեպք է արձանագրվել և սա արտահայտումն է այն բանի, թե 7-14 օր առաջ ինչպես են պահպանվել հակահամաճարակային կանոնները ՀՀ-ում։
«Այսօր մեր կողմից հակահամաճարակային կանոնների պահպանման մակարդակը արդյունքների է բերում 7-14 օր հետո, քանի որ հիվանդության ինկուբացիոն շրջանը 7-14 օր է։ Այս թվերը վկայում են, որ մենք առնվազն 7-14 օր առաջ պատշաճ մակարդակով չենք կարողացել պահպանել հակահամաճարակային կանոնները։ Մենք այսօր մեր վարքագծով գծագրում ենք, կազմակերպում ենք և որոշում ենք, թե 7-14 օր հետո ՀՀ-ում վարակի քանի նոր դեպք կարձանագրվի։
Ուզում են տեղեկացնել, որ վաղը կառավարության արտահերթ նիստ տեղի կունենա, որտեղ որոշում կկայացնենք արտակարգ դրության վերաբերյալ։ Այն կերկարացվի ևս 1 ամսով։ Այնուհետև տեղի կունենա ԱԺ հատուկ նիստ, որտեղ կքննարկվեն մեր արածի և չարածի վերաբերյալ մանրամասները։ Մենք հնարավորություն ունենք 7-14 օր հետո զրոյացնել կորոնավիրուսի նոր դեպքերի աճը և ընդհանրապես կանգնեցնելու վարակը»,-նշեց վարչապետը։
English
Русский
