Խոշոր հրդեհ Երևանի կենտրոնում․ կրակը տեսանելի էր մի քանի 100 մետրից

Այսօր՝ հունիսի 1-ին, խոշոր հրդեհ է տեղի ունեցել Երևանում։ Ժամը 00։55-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Իսրայելյան փողոցի թիվ 39 շենքի 4-րդ հարկի բնակարններից մեկում կրակ ու ծուխ է նկատվում։

Պարզվել է, որ հրդեհը բռնկվել է Կարեն Գ․-ի կողմից վարձակալված բնակարանում։ Ըստ նախնական տեղեկությունների բարեբախտաբար տուժածներ չկան։

Օպերատիվորեն ժամանել են նաև «Գազպրոմ Արմենիա», «Տրանսգազ» և Երևանի ԳԳՄ-ի աշխատակիցները, սակայն տեղում պարզվել է, որ հրդեհը գազամատակարարման հետ կապ չունի, բայց Երևանի ԳԳՄ-ի աշխատակիցները տեղում հերթապահություն են իրականացրել։

Այրվել է խոհանոցը՝ գույքով, բաղդադե տանիքը և տանիքում գտնվող որոշ իրեր։ Տեղում շտապօգնության բժիշկները առաջին բուժօգնություն են ցուցաբերել նշված բնակարանի վարձակալներ 34-ամյա Կարեն Գ․-ին և 26-ամյա Էլեն Ե․-ին։ Վերջիններս ծխահարվել են, սակայն հրաժարվել են հիվանդանոց մեկնելուց։