Այսօր՝ հուլիսի 24-ին, ժամը 03:30-ին, Ադրբեջանի Պետական սահմանապահ ծառայության (ՊՍԾ) սահմանապահ զորքերի «Գոյթեփեի» սահմանապահ ջոկատի ծառայողական տարածքում երկու անհայտ անձինք Իրանից ադրբեջանական ուղղությամբ խախտել են պետական սահմանը։
Այս մասին ասվում է Ադրբեջանի պետական սահմանային ծառայության մամուլի հաղորդագրությունում։
Նշվում է, որ օրինախախտները, անտեսելով սահմանապահների օրինական պահանջները, զինված դիմադրություն են ցույց տվել սահմանապահ ծառայության աշխատակիցներին և դիմել փախուստի։
Զինված միջադեպի հետևանքով Ադրբեջանի պետական սահմանապահ ծառայության երկու սահմանապահներ ստացել են վնասվածքներ։
English
Русский
