Գեներալ-մայոր Գրիգորի Խաչատուրովը հանդիսավոր կարգով պարգեւատրվեց «Մարտական խաչ» առաջին շքանշանով

ՀՀ վարչապետ Նիկոլ Փաշինյանի միջնորդությամբ եւ Հանրապետության նախագահի հրամանագրերով այսօր՝ օգոստոսի 28-ին, Սարդարապատի հուշահամալիրում, «Մարտական խաչ» առաջին շքանշանով պարգեւատրվեց Երրորդ բանակային զորամիավորման հրամանատար գեներալ-մայոր Գրիգորի Խաչատուրովը, ում անմիջական ղեկավարությամբ էլ մեր ստորաբաժանումները կարողացան փայլուն կերպով կատարել առաջադրված բոլոր մարտական խնդիրները։

Նշենք, որ վարչապետի միջնորդությամբ եւ Հանրապետության նախագահի հրամանագրերով Տավուշյան հաղթական մարտերի ակտիվ դերակատարներից 16 զինծառայողներ պարգեւատրվեցին «Մարտական խաչ» առաջին աստիճանի, 55 զինծառայողներ՝ «Մարտական խաչ» երկրորդ աստիճանի շքանշանով

Արարողությանը ներկա է Արցախի Հանրապետության նախագահը, Ամենայն Հայոց Կաթողիկոսը, Ազգային ժողովի նախագահը, Անվտանգության խորհրդի անդամները, Կառավարության անդամները, գեներալներ եւ այլ պաշտոնյաներ։

Նշենք, որ Գրիգորի Խաչատուրովը գեներալ- գնդապետ, ՀՀ ռազմական գործիչ, Հավաքական անվտանգության պայմանագրի կազմակերպության նախկին քարտուղար Յուրի Խաչատուրովի որդին է։

Այս տարվա օգոստոսին Տավուշի մարզի սահմանամերձ Չինարիի հատվածում դիրքերի բարելավման օպերացիան իրականացվել է գնդապետ Գրիգորի Խաչատուրովի հրամանատարությամբ։

Նա ՀՀ ՊՆ 3-րդ բանակային զորամիավորման մարտական ստորաբաժանումների հրամանատարն է եւ ՀՀ Զինված ուշերի գենշտաբի նախկին պետ։