Արտակարգ իրավիճակ Երևանում․ Մանրամասներ

Այսօր՝ փետրվարի 8-ին, արտակարգ դեպք է տեղի ունեցել Երևանում։ Ժամը 21:30-ի սահմաններում ՀՀ Ներքին գործերի նախարարության Փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Դավիթ Անհաղթի 23/1 հասցեի հարևանությամբ գտնվող շենքի բակում ավտոմեքենա է այրվում։

Պարզվել է, որ այրվում է կայանված Citroen մակնիշի ավտոմեքենա։

Տեղում պարեկներ Անահիտ Ասատրյանը, Դավիթ Մադոյանը, Արման Խալաթյանն ու Հայկ Մկրտչյանը սահմանազատել են տարածքը, դեպքի վայրից հեռացրել մի քանի ավտոմեքենա, որպեսզի հրշեջների աշխատանքը չբարդանա։

Ըստ նախնական տեղեկությունների բարեբախտաբար տուժածներ չկան։

Տեղում պարզվել է, որ ավտոմեքենան պատկանում է Արարատի մարզի բնակիչ 25-ամյա Դավիթ Ե.-ին։

Թե ինչն է եղել ավտոմեքենայում հրդեհի պատճառը, պարզվում է։