Այսօր՝ փետրվարի 14-ին, ավտովթար է տեղի ունեցել Կոտայքի մարզում։
Ժամը 15։20-ի սահմաններում Շիրակի մարզի բնակիչ 27-ամյա Ս․ Ծառուկյանը իր վարած Opel մակնիշի ավտոմեքենայով «Առինջ մոլ»-ից դեպի Ջրվեժ տանող ճանապարհահատվածում՝ «Ծիրանի» ռեստորանային համալիրի մոտակայքում դուրս է եկել հանդիպակաց երթևեկելի գոտի, բախվել հողաթմբերին և գլխիվայր շրջվելով՝ հայտնվել քարե պարսպի մոտ։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով վարորդը բժշկական օգնություն ստանալու նպատակով տեղափոխվել է Առինջ գյուղի Անահիտ Ծառուկյանի անվան բժշկական ամբուլատորիա։
Հրշեջ փրկարարները հոսանքազրկել են ավտոմեքենան, փակել գազաբալոնի փականն ու տեղում կատարել հերթապահություն։
English
Русский
