Ավտովթար է տեղի ունեցել Գեղարքունիքի մարզում

Այսօր՝ հուլիսի 13-ին, ավտովթար է տեղի ունեցել Գեղարքունիքի մարզում:

Ժամը 18:00-ի սահմաններում 27-ամյա Արմեն Ժ.-ն իր վարած «Jeep Compass» մակնիշի ավտոմեքենայով Գավառ-Մարտունի ավտոճանապարհի 10-րդ կմ հատվածում դեռևս անհայտ հանգամանքներում դուրս է եկել ճանապարհի երթևեկելի գոտուց, բախվել քարերին ու հայտնվել ձորում:

Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդը, ում առաջինը օգնության են հասել քաղաքացիներն ու օպերատիվորեն ժամանած ՀՀ Ներքին գործերի նախարարության փրկարար ծառայության Գավառի թիվ 31 հրշեջ-փրկարարական ջոկատի փրկարարներն ու «Գավառ» բժշկական կենտրոնի շտապօգնության բժիշկների հերթապահ խումբը, տեղում բուժօգնություն է ցուցաբերել, սակայն հրաժարվել է հիվանդանոց մեկնել:

Դեպքի փաստով ՊԾ Գեղարքունիքի մարզի գումարտակում փաստաթղթեր են ձևակերպվում, որոնք հնարավոր է փոխանցվեն ՀՀ քննչական կոմիտեի Գեղարքունիքի մարզային քննչական վարչություն: