ՀՀ ազգային անվտանգության ծառայությունը նոր տնօրեն ունի։ ՀՀ նախագահի պաշտոնական կայքից տեղեկանում ենք, որ նախագահը նոր հրամանագիր է ստորագրել և Արմեն Աբազյանին նշանակել ՀՀ ազգային անվտանգության ծառայության տնօրեն։
«Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի, ինչպես նաև «Ազգային անվտանգության մարմինների մասին» օրենքի 4.1-ին հոդվածի 1-ին մասի` Արմեն Աբազյանին նշանակել ՀՀ ազգային անվտանգության ծառայության տնօրեն»,–նշված է հրամանագրում։
Մինչ այդ Աբազյանը զբաղեցնում էր ԱԱԾ տնօրենի տեղակալի պաշտոնը։ Նախագահը ստորագրել է նաև ԱԱԾ տնօրենի պաշտոնակատար Միքայել Համբարձումյանի աշխատանքից ազատվելու որոշումը։
English
Русский
