«Որոշել եք բոլորիս խելագարությա՞ն հասցնել». Արմեն Աշոտյան

ՀՀԿ փոխնախագահ Արմեն Աշոտյանն իր ֆեյսբուքյան էջում գրել է.

«Արցախի խոհանոցը շատ համեղ է, առանց ավելորդ պերճանքի, պարզ և առողջարար: Իմ իմացությամբ, այդ խոհանոցի մաս սոլյանկան երբեք չի եղել, այնինչ երեկ և այսօր Արցախի ղեկավարության ներկայացուցիչների հայտարարությունները ավելի մեղմ, քան սոլյանկա անվանել չեմ կարող:

Դատեք ինքներդ:

Արայիկ Հարությունյան (Արցախ նախագահ), 02.09.2020. «Արցախի անկախության ճանաչումը կամ չճանաչումն ինձ համար կարևոր չէ»:

Մասիս Մայիլյան (Արցախի ԱԳՆ), 03.09.2020. «Արցախի Հանրապետության միջազգային ճանաչումը մեր թիվ 1 առաջնահերթությունն է»:

Էլ չեմ ասում երկուսի կողմից արված հայտարարությունները բանակցությունների հետ կապված: Մեկն ասում է՝ եկեք պատրաստվենք պատերազմի, բանակցություններ չեն լինելու: Մյուսն ասում է՝ 1997-ից հետո բանակցություններ չեն եղել:

Տղերք, ձեզ ի՞նչ պատահեց: Իրար հետ չե՞ք խոսում այս հարցերով:

Որոշել եք բոլորիս խելագարությա՞ն հասցնել:

Նիկոլի անփառունակ քաղաքականության սխալնե՞րն եք փորձում կոծկել:

Ի՞նչ գնով: Արցախի՞:

Հայաստանի վարչապետն ու ԱԳՆ-ն հերիք չէին, հիմա էլ դուք եք այս խառը աշխարհաքաղաքական իրավիճակում Արցախի հարցով շիլաշփոթի խահարարները դարձել:

Հասկացանք, որ առաջին քրիստոնյա երկիրն ենք, բայց կլինի՞ գոնե Արցախի հարցում աջ ձեռքն իմանա, թե ձախն ինչ է անում»: