Ողբերգական դեպք. հանգստի մեկնող ընտանիքը УАЗ-ով ընկել է գետը. կա 3 զոհ

iPress.am-ՌԴ Կրասնոդարի երկրամասում՝  Աբինսկի շրջանում, УАЗ մակնիշի ավտոմեքենան, որտեղ գտնվել են ընտանիքի 5 անդամ, ընկել է Ադեգոյ գետը: Այս մասին հայտնում է  Life.ru-ն:

Աղբյուրի տեղեկություններով՝  ընտանիքը մեկնում էր բնության գիրկ՝ հանգստի: Գետի կամրջով անցնելու պահին մեքենայում գտնվել են  ընտանիքի  45-ամյա հայրը, 35-ամյա մայրը, 2 անչափահաս երեխաներն ու 61-ամյա տատը:

Վթարի հետևանքով  հայրը, մայրն ու  10-ամյա տղան մահացել են, իսկ տատն ու 17-ամյա աղջիկ թոռը հասցրել են դուրս նետվել մեքենայից և լողալով՝ դուրս եկել ափ:

Նշվում է, որ 10-այա տղայի դին հայտնաբերվել է մի քան ժամ անց՝  գետում՝  դեպքի վայրից 400 մ հեռավորության վրա: