Շնորհավորում ենք բոլոր երևանցիներին. մի քանի ամսից նոր՝ ֆանտաստիկ լավ ճանապարհ կունենանք

iPress.am-Հարգելի՛ հայրենակիցներ, 2019 թվականին Ասիական զարգացման բանկի աջակցությամբ մեկնարկեցինք Արգավանդ-Շիրակ կամուրջի շինարարական աշխատանքները, որի նպատակն է բեռնաթափել մայրաքաղաքի կենտրոնը տրասպորտային հոսքերից: Կամուրջը հանդիսանալու է Երևանում թվով 4-րդ կամուրջը։

Այն անցնելու է Հրազդան գետի վրայով և ունենալու է 252մ երկարություն, 28մ միջին լայնություն և 25մ բարձրություն։ Հարգելի՛ քաղաքացիներ, Տեղեկացնեմ, որ ս.թ մարտի 26-ից մինչև հուլիսի 30-ը կամուրջի շինարարական աշխատանքների հետևանքով Իսակովի պողոտա - Ա. Բաբաջանյան փողոց ճանապարհային հանգույցում կատարվելու է երթևեկության փոփոխություն, որը ստեղծելու է հավելյալ խոչընդոտներ երթևեկության համար։

Այսպիսով՝ Փակվելու է Իսակովի - Մ5 ուղղությունից դեպի Ա. Բաբաջանյան փողոց իջատեղը, Փակվելու է Ա. Բաբաջանյան փողոց - Իսակովի պողոտա ուղղությունը (ուղեանցի տակով): Վարորդներին առաջարկվում է օգտվել Ա. Բաբաջանյան - Մ5 ուղղությունից դեպի Իսակովի պողոտա հետադարձից:

Նախապես հայցում եմ Ձեր ներողամտությունը հնարավոր անհարմարությունների համար, առանց որոնց քաղաքային միջավայրում գրեթե անհնար է իրականացնել խոշոր ենթակառուցվածքների կառուցում։

Միևնույն ժամանակ տեղեկացնում եմ, որ կամուրջը և ճանապարհահատվածը նախատեսվում է հանձնել շահագործման 2021 թվականի աշնանը։

#Մեր_ներդրումը_մեր_ապագայում