Պատերազմի զոհերի ԴՆԹ սարքը գնել են շուկայականից 111 միլիոն ավելի թանկ գնով՝ հարստանալով մարդկանց ողբերգության հաշվին

iPress.am- Պատերազմի զոհերի ԴՆԹ սարքը գնել են շուկայականից 111 միլիոն ավելի թանկ գնով՝ հարստանալով մարդկանց ողբերգության հաշվին: Առողջապահության նախարարության ՊՈԱԿ-ը 2020թ-ի դեկտեմբերի 18-ին քիմիական նյութերի ներմուծմամբ և մատակարարմամբ զբաղվող «Մեդիսար» ՍՊԸ-ի հետ կնքել է 295․8 մլն․ դրամի պայմանագիր՝ ԴՆԹ նույնականացման փորձաքննությունների համար նախատեսված վերլուծիչ սարքերի և պարագաների հավաքածուի ձեռքբերման նպատակով։

Ձեռք բերված սարքավորումների և ծառայությունների շուկայական արժեքը 184 մլն․ դրամ է՝ ներառյալ հարկերը․ ստացվում է, որ Առողջապահության նախարարությունը ծառայություն է ձեռք բերել՝ վճարելով շուկայականից 111 մլն․ դրամ ավել գումար. գրել է News.am-ը: Իսկ ամենացավալին այն է, որ հարկատուների հաշվին կատարված այս հսկայական ու չհիմնավորված ծախսի արդյունքում անգամ զոհված ավելի քան 70 զինծառայողների մարմինների ԴՆԹ նույնականացումը դեռևս չի ավարտվել, իսկ շատ մասունքներ էլ այլևս հնարավոր չէ նույնականացնել մեր ունեցած սարքավորումներով․ անհրաժեշտություն է առաջացել դրանք ուղարկել արտասահման՝ լրացուցիչ ծախսերի գնով։