ՀՀ ոստիկանապետի հրամանով ոստիկանության մի քանի բաժինների պետերի փոփոխություն է տեղի ունեցել. «Պողպատե ձեռք» անվամբ գնդապետը նշանակվել է Մեղրիի ոստիկանապետ

 iPress.am- Այսօր՝ հուլիսի 1-ին, ՀՀ  ոստիկանապետ Վահե Ղազարյանի հրամաններով մի շարք կադրային փոփոխություններ են տեղի ունեցել ոստիկանության   սպայական կազմում:  Ինչպես հայտնում է ֆոտոլրագրող  Գագիկ Շամշյանը,

Վ. Ղազարյանի հրամանով ոստիկանության Մեղրիի բաժնի պետ  է նշանակվել Դավիթ Պետրոսյանը, ով ՀՀ ոստիկանապետի մեկ այլ հրամանով ազատվել է ոստիկանության Արտաշատի բաժնի պետի պաշտոնից:  

Դ. Պետրոսյանը ոստիկանության համակարգում հայտնի է «Պողպատե ձեռք» անվամբ: Վ. Ղազարյանի մեկ այլ հրամանով Արսեն Ոսկանյանը ազատվել է ոստիկանության Մասիսի բաժնի պետի պաշտոնից և ՀՀ ոստիկանապետի մեկ այլ հրամանով նշանակվել է ոստիկանության Արտաշատի բաժնի պետ:  

Վ. Ղազարյանի մեկ այլ հրամանով  ոստիկանության Մասիսի բաժնի պետ  է նշանակվել Վահագն Գրիգորյանը, ով Վ. Ղազարյանի մեկ այլ հրամանով ազատվել է  ոստիկանության Արարատի բաժնի պետի պաշտոնից:  

ՀՀ ոստիկանապետի մեկ այլ հրամանով Արթուր Հակոբյանը նշանակվել է  ոստիկանության Արարատի բաժնի պետ, ազատվելով  ոստիկանության Շենգավիթի բաժնի պետի օպերգծով տեղակալի պաշտոնից:  

Վ. Ղազարյանի մեկ այլ հրամանով  ոստիկանության Արաբկիրի բաժնի պետ Արմեն Վաթյանը ազատվել է նշված պաշտոնից և նշանակվել է ոստիկանության Արագածոտնի մարզային վարչության պետի օպեր գծով տեղակալ։  

ՀՀ ոստիկանապետի մեկ այլ հրամանով Երվանդ Նիկոյանը նշանակվել է ոստիկանության Արաբկիրի բաժնի պետ, ազատվելով ոստիկանության Կենտրոնականի բաժնի պետի օպեր գծով տեղակալի պաշտոնից։