Կառավարության նիստի օրակարգային առաջին հարցով պետական բյուջեից լրացուցիչ 2 մլրդ 365 մլն դրամ է հատկացվել Առողջապահության նախարարությանը՝ հանրապետությունում կորոնավիրուսի կանխարգելման, վերահսկման ու բուժման անհրաժեշտ ծախսեր կատարելու համար: Առողջապահության նախարարը նկատել է, որ եթե պատվաստման գործընթացը բավարար լիներ՝ լրացուցիչ գումարի անհրաժշտություն չէր լինի:
Անահիտ Ավանեսյանն ասել է, որ այս պահին ակտիվ դեպքերի մեջ ընդամենը 176 հոգին են, ովքեր, պատվաստված լինելով, բուժման կարիք ունեն:
Նախարարի խոսքով՝ դեռ կան որոշ անձինք, ովքեր չարամտորեն վնասարարությամբ են զբաղված ու անընդհատ խաթարում են ինֆորմացիոն դաշտն ու քաղաքացիներին շփոթության մեջ գցում:
Վարչապետ Նիկոլ Փաշինյանը նկատել է, որ այդ մենը «մարգինալ ուժերն» են անում:
«Ինչու եք բողոքում, որ ինչ-որ մարդիկ ինչ-որ բան են անում։ Կա հստակ պետության պարտավորություն՝ վարչական լծակները գործադրեք, պետք է պատվաստումը գնա առաջ: Ես Առողջապահության նախարարությունից չեմ ուզում լսել բողոք, որ խանգարում են պատվաստման գործընթացներին», – ասել է Փաշինյանը:
Նա նշել է, թե նախարարության առաջ խնդիր է դնում՝ իրեն չասեն, թե ով է խանգարում, ով չի խանգարում:
«Գնացե՛ք, լուծե՛ք, ոչ մեկ չի կարող մեզ խանգարել գործել։ Խնդիր եմ դրել, գնացե՛ք, լուծե,ք, վատ է, շատ վատ է պատվաստման թվերը ու որևէ ուրիշ մեկից չբողոքեք: Վերաբերում է դահլիճում նստած բոլորին, որ գալիս ասում եք՝ թե էսինչ աշխատողը վախենում է պատվաստվելուց։ Պետական կառավարման համակարգում մարդ չպետք է լինի, որը պատվաստված չլինի։ Անձամբ բոլոր առաջին դեմքերը պատասխանատվություն են կրում դրա համար: Հերիք է նստենք բողոքենք, էլ տենց բաներ չլսեմ: Գնացե՛ք ու խնդիրները լուծե՛ք», – ասել է Փաշինյանը:
«Ձերբակալե՛ք, կալանավորե՛ք։ Էդ բժիշկները, ովքեր օգտվում են առիթից՝ չպատվաստելու մարդկանց ու պատվաստանյութը փչացնելու համար, շատ խսիտ միջոցներ է պետք ձեռնարկել», -ասել է վարչապետը:
English
Русский
