ՀՀ սահմանին հարաբերական հանգիստ է, ակտիվ մարտական գործողություններ չկան, այսօր հրավիրված ասուլիսի ժամանակ ասաց ՀՀ ՊՆ ներկայացուցիչ Արծրուն Հովհաննիսյանը:
Հարցին՝ որքանո՞վ է վտանգված Երևանը, պատասխանեց.
«Չեմ կարծում, որ Երևանը վտանգված է, բայց, այնուամենայնիվ մենք պատերազմի մեջ ենք»:
Արծրուն Հովհաննիսյանը նաև ընդգծեց, որ մեր զորքի մարտական ոգին չափազանց բարձր է: Նա պատմեց.
«Այսօր ծանոթացել եմ մի հրետանավորի հետ, հերոս սպայի, ով կրակը վարել է հակառակորդի ինտենսիվ կրակի տակ, վիրավորված, մինչև վերջին արկը, մինչև չի հասել դիմացի մարտկոցների ոչնչացմանը, մարտի դաշտից դուրս չի եկել»:
Հովհաննիսյանի խոսքով՝ այդպիսի բազում օրինակներ կան, որոնք ժամանակի ընթացքում կներկայացվեն:
English
Русский
