«Ուզում եմ մեր առաջին տղայի անունը Մոնթե դնենք»․ Արցախ այցելելուց հետո Արիանա Կաոլինի երազանքներից մեկն էր

«Ուզում եմ մեր առաջին տղայի անունը Մոնթե դնենք»․ Արցախ այցելելուց հետո Արիանա Կաոլինի երազանքներից մեկն էր

Հասարակական Ipress 2020-03-31 12:37:00 15342
Հետևեք մեզ՝ Telegram-ում
673189_38pCj.jpg

Ձեզ ենք ներկայացնում Արիանա Կաոլինի՝ 2016 թ․-ին «Ճամփորդ»-ում հրապարակված հոդվածը, որ գրել էր ինքն անձամբ, Արցախ այցելելուց հետ․

«Ինչ-որ մի պահի, երբ մեքենան իջնում է լեռնալանջի ասֆալտով, կամ կիրճի գլխով անցնող ոլորանին, անսպասելի, անակնկալ, առանց զգուշացնելու՝ Ղարաբաղը ներխուժում է քո տարածք: Այդ պահը միայն պատահականորեն կարող է համընկնել «Ազատ Արցախը ողջունում է ձեզ» ցուցանակի հայտնվելուն: Այն կապ չունի նաև գծված ու չգծված, ճանաչված ու անճանաչում սահմանների հետ:

Ղարաբաղը սկսվում է այնտեղ, ուր կրծքիդ, ձեռքի ափը զգուշորեն դնելու պես, հանկարծ զգում ես արցախյան ոգու ծփանքը:

Զարմանալի հանդարտություն ունի իր մեջ այս երկիրը: Այն սկսվում է նրա ժայռոտ գագաթներին ու լեռների անտառածածկ մարմիններում, տարածվում է խոնավ դաշտերի կանաչ բերրիության մեջ, թանձրանում է նրա քաղցր թթաստաններում և ամբարվում է ճյուղերն արմատների պես՝ երկինքները խրած պտղաբեր այգիներում: Այդ հանդարտության մեջ, երբեք չերևալով ամբողջությամբ, աննկատ, անորսալի շարժումներով, օձի պես հանգիստ ու վտանգավոր, իր լոգանքն է ընդունում պատերազմի մառախուղը: Դու գիտես՝ բավական է մի անզգույշ շարժում, և այդ փափուկ օձը ակնթարթարեն վերածվելու է պողպատե շառաչուն հանդերձանքով վիշապի, և մառախուղը դառնալու է քարեղեն…

Այս պատերազմը, դրան ծնունդ տվող, դրա շուրջ ծավալվող քաղաքական ու տնտեսական իրողությունները վերլուծում են գրեթե բոլորը: Դրանք գործնական ու կարևոր վերլուծություններ են, անշուշտ: Սակայն ինձ համար այս ամենի մեջ ամենակարևորը ոգին է: Նորից ստիպված եմ կրկնել՝ ես ռոմանտիկ «ախցիկ» չեմ, ես խիստ պրագմատիկ մարդ եմ, շախմատիստ, տնտեսագետ – վերլուծաբան, և ասում եմ՝ այս պատերազմի մեջ ամենազարմանալին, հաղթանակի ամենալուրջ գրավականը, մեր անխոցելի, չսպառվող առավելությունը ոգին է:

Յուրաքանչյուր արցախցի գիտի որ պատերազմն արթուն է, անգամ եթե ոչ մի կրակոց չկա, և ինքն էլ է արթուն ու պատրաստ: Իսկ արհավիրքի ամենաթեժ պահին նա ապրում է անբացատրելի, տարօրինակ մի ոգևորություն, որ սահմանակից է, խորթ թող չհնչի՝ երջանկությանը. ողջ լինելու երջանկությանը, հաղթելու երջանկությանը, իրենց ծնողներին, եղբայրներին, զավակներին, անպարտելի, հզոր տեսնելու երջանկությանը: Ես լավ հասկանում եմ այս զգացողությունը, որի աղբյուրն, ի դեպ, ճշգրտորեն ու հիանալի ձևակերպել է իմ կուռքերից մեկը՝ Մարտին Լյութեր Քինգը. Եթե կյանքումդ չես գտել մի բան, որի համար կարելի է մեռնել, ապա ի՜նչ արժեք ունի կյանքդ»:

…Երկար, հոգնեցուցիչ, բացառիկ լեցուն աշխատանքային օրը ավարտվել էր արդեն, և մենք գնում էինք մարտունեցի Առուստամյան Նաիրիենց տուն՝ խորոված ուտելու: Նաիրին, ժպտերես, ծիծաղկոտ Նաիրին, ում մտերիմները «Նաիրիկ» են ասում, որ դեռևս պատանի, անչափահաս, մասնակցել է ղարաբաղյան առաջին պատերազմին: Մարտունու հերոսական «Երրորդ պաշտպանականի» հին ու նոր տղաները, որոնք այսօր էլ շարունակում են ապրել իրենց լեգենդար հրամանատար Ավոյի՝ Մոնթե Մելքոնյանի կենդանի գոյության հետ: Մենք՝ Ղարաբաղի ոգով արբած…

Սեղան ենք նստում Նաիրիկենց տանը: Այն նուն տանը, որի նկուղում առաջին պատերազմի օրերին հրետակոծությունից ապաստան էին գտել Նաիրիկի հայրն ու մայրը, իրենց հարևանների հետ: Գրադի արկը մտել էր տան պարսպի դարպասով, ապա մտել էր նկուղու դռնով և սպանել էր այնտեղ պատսպարված 9 հոգուն էլ. տանտերերին՝ Նաիրիկի ծնողներին և նրանց հարևաններին: Տան միակ արու զավակը՝ տակավին անչափահաս Նաիրին այդ ժամանակ մարտի դաշտում էր, մի քանի կիլոմետր այնկողմ: Մեք վայելում ենք ուրախ ու աշխույժ խոսքուզրույցը, մենք վայելում ենք ղարաբաղյան հիանալի խորովածը, հեռախոսս զանգում է.

  • Հը, ո՞նց է Ղարաբաղը»,- հեռուներից գալիս է Լևոնի ձայնը…
  • Ուզում եմ մեր առաջին տղայի անունը Մոնթե դնենք, ի՞նչ կասես»,- ասում եմ ես:

 

Սիրով՝ ձեր Արիանա»

Поделиться
Класс
Send
img7837pou3f_sIdnf.jpeg

Պարզվում է՝ բոլորս սխալ ենք տեսել, Լևոնն է ծեծել․ Սիրուշո

rd_w35pa.jpg

ԲԱՑԱՌԻԿ ՏԵՍԱՆՅՈՒԹ. Ինչպես է Արցախում ադրբեջանցիների կողմից ռուսական ռազմաբազան ռմբակոծվում

zinvori-spanutyun_5XoaU.jpg

Դիրքեր կան, որ ողջ անձնակազմը զոհվել է. Իրավիճակը սահմանին. Նոր մանրամասներ

stepanakert-3_EFjUl.jpg

ՀՐԱՏԱՊ ԼՈՒՐ․ Ադրբեջքնցիները մտել են Ստեփանակերտի տներ. Մանրամասներ

img77901z7dq_sAaLJ.jpeg

Լևոն Քոչարյանը դաժան ծեծի է ենթարկվել կարմիր բերետների կողմից, հոսպիտալացնում են

avinyan-1_5xOT0.jpg

Վերահաշվարկի արդյունքում ավելացել են ՔՊ-ի ձայները․ Մանրամասներ

img7788xsuqj_IVbhs.jpeg

2024-ի հունվարի 1-ից արտասահման մեկնելու համար անձնագրում ելքի կնիքի կարիք այլեւս չի լինի

img7783_cX8-T.jpeg

Ոստիկանությունը զգուշացրեց՝ հատուկ միջոցներ կկիրառի. իրավիճակը լարվեց

human-help_gRjcJ.jpg

Ադրբեջանը պարենային մթերքով բեռնված բեռնատարներ է ուղարկել դեպի Արցախ

viravor-zinvor_aZ9X9.jpg

Իրավիճակը ծայրահեղ ծանր է. Տիգրան Աբրահամյանը մանրամասնում է

img7759azmcj_YT2oJ.jpeg

Զգուշացնում էինք՝ ինչ կարող է լինել այս իշխանությունների պարագայում․ Լևոն Քոչարյան

img77395mphb_SESww.jpeg

ՏԵՍԱՆՅՈՒԹ․ Տիկին պապանձվեք. Դերասանուհի Ագնեսա Շահնազարյանը՝ իշխանության աջակիցներին

Իրադարձային 978

ՀՐԱՏԱՊ ԼՈՒՐ. Ադրբեջանցիները Հասան Ստեփանակերտի հրապարակ, դրոշ են դնում

Բանակ 903

Հայտնի է այսօր զոհված զինծառայողների անունները

Իրավունք 885

Խուզարկել են Աննա Արևշատյանի ամուսնու բանտախուցը. Հայտնի է Ինչ են գտել վերջինիս հեռախոսում. Նոր մանրամասներ

Իրավունք 867

Հայտնի է՝ ինչու է արմավիրցի երիտասարդը դաժանաբար կյանքից զրկել ԼԳԲՏ կնոջը

Իրադարձային 756

«Թուրքերը մտան Ստեփանակերտ. փողոցներում են ժողովուրդը, էրեխեքը…. »․ ՏԵՍԱՆՅՈՒԹ

Բանակ 753

Իրավիճակը ծայրահեղ ծանր է. Իրավիճակը սահմանին

Բանակ 750

Դիրքեր կան, որ ողջ անձնակազմը զոհվել է. Իրավիճակը սահմանին. Նոր մանրամասներ

Իրադարձային 660

ՏԵՍԱՆՅՈՒԹ․ Տիկին պապանձվեք. Դերասանուհի Ագնեսա Շահնազարյանը՝ իշխանության աջակիցներին

Քաղաքական 618

Ռոբերտ Քոչարյանի հակիրճ մեկնաբանությունը

Բանակ 591

Դաժան մարտերը շարունակվում են․ Ադրբեջանը 2 ուղղություններով խորացել է