Ուկրաինացի զինվորականները շրջափակման մեջ են ընկել Ղարաբաղի շրջաններից մեկում

Լեռնային Ղարաբաղում հակամարտության փաստացի ավարտից մի քանի օր առաջ մի քանի ուկրաինացի զինծառայողներ շրջափակման մեջ են հայտնվել Արցախի բանակի զորքերի կողմից՝ ադրբեջանական բանակի նահանջի ժամանակ: 72 ժամվա ընթացքում հնարավոր կլիներ այդ շրջանը վերահսկողության տակ վերցնել, սակայն եռակողմ հուշագրի ստորագրման և ռազմական գործողությունների դադարեցման պատճառով չի հաջողվել գերեվարել ուկրաինացի սպաներին:

Ըստ ռուսական տեղեկատվական ռեսուրսների տվյալների, Ղարաբաղում մարտական գործողություններին իսկապես մասնակցել է Ուկրաինայից ժամանած շուրջ 2 տասնյակ զինծառայող, որոնք իրականացրել են հակաօդային պաշտպանության միջոցների և ռադիոէլեկտրոնային պայքարի միջոցների կառավարում, որոնք, ի դեպ, շատ կարևոր դեր են խաղացել այդ հակամարտության մեջ։

Ռուսական ԶԼՄ-ների տվյալների համաձայն՝ 2020-ի նոյեմբերի 30-ին ուկրաինացի զինծառայողների համար Բաքու պետք է ժամանի հատուկ ինքնաթիռ:

«Ուկրաինայի զինված ուժերը գտնվել են Ադրբեջանում Արցախի դեմ պատերազմի ժամանակ։ Նոյեմբերի 30-ին Բաքվից հատուկ չվերթով Ուկրաինայի ԶՈՒ-ի մոտ 20 զինծառայող կվերադառնա Կիև: Այս մասին հայտնել է «Цибуля» թելեգրամ-ալիքը։ Ուկրաինացի զինվորականներն օգոստոսին մասնակցել են Ադրբեջանի և Թուրքիայի համատեղ զորավարժություններին՝ որպես դիտորդ, իսկ հետո ներկա են եղել Լեռնային Ղարաբաղում ռազմական գործողություններին:

Թե ինչ դեր են նրանք կատարել այդ պատերազմում, հայտնի չէ, սակայն, հիշեցնենք, որ ուկրաինական ավիաուղիներն օգտագործվել են Թուրքիայից և Աֆղանստանից Բաքու զենք և ահաբեկիչներ տեղափոխելու համար»,- այս մասին հաղորդում է ռուսական «Инфотека24» թելեգրամ-ալիքը: