Թուրքիան հայտարարել է, որ պատրաստվում է Լիբիային փոխանցել Ղարաբաղյան պատերազմում ադրբեջանական փորձը

Թուրքիայի ՊՆ ղեկավար Հուլուսի Աքարը և ԳՇ պետ Յաշար Գյուլերը գտնվում են Լիբիայում, որտեղ Լիբիայի ազգային համաձայնության կառավարության հետ համագործակցության նոր հուշագիր են ստորագրել ԼԱՀԿ ՊՆ ղեկավար Հալիդ բին Մուհամմեդ Էլ-Աթիյյեի հետ։

Հուշագրով նախատեսվում է ռազմական օժանդակություն Լիբիային (ԼԱՀԿ-ին), որը ներառում է նաև լիբիացի զինվորականների կրթության ապահովում։

Այն նախատեսում է նաև ադրբեջանական բանակում ներդրված թուրքական մոդելի ներմուծումը ԼԱՀԿ-ի ԶՈՒ։

Նշվում է, որ Ադրբեջանի հետ այդ համագործակցությունը կնքվել է 1993. Թուրքիայի նախկին նախագահ Թուրգութ Օզալի ժամանակ, որի նպատակը «թույլ ադրբեջանական բանակին» աջակցելն էր, որը նախատեսում էր նաև ադրբեջանական բանակի ռազմական կրթություն։

Լիբիայի մեծ մասը վերահսկող ԼԱՀԿ-ի ղեկավարությունը՝ Ֆայեզ Սարաջի գլխավորությամբ, հավանաբար տեղյակ չեն թե ինչ ճակատագիր է ունեցել և ունենում թուրքական կրթությամբ ադրբեջանական բանակը Արցախյան պատերազմի ժամանակ և դրանից հետո։