Վրաստանի նախկին նախագահ Միխայիլ Սաակաշվիլին ֆեյսբուքյան իր էջում գրել է. «Ստամբուլում ստորագրվեց Ուկրաինայի առաջին խոշոր հաղթանակը. Ռուսաստանը ընդունեց, որ այլևս չի կարող վերցնել Կիևը և զորքերը դուրս կբերի Կիևից։ Պուտինի գլխավոր երազանքը՝ տիրանալ Կիևին, կործանվեց ընդմիշտ։
Ուկրաինան պաշտոնապես չի անդամակցի ՆԱՏՕ-ին, Ուկրաինան չի մտնի ՆԱՏՕ, բայց ՆԱՏՕ-ն կմտնի Ուկրաինա: Այնուամենայնիվ, դաշինքի խոշոր և ամենակարևոր անդամներն Ուկրաինային տալիս են 5-րդ հոդվածի երաշխիքներ, ինչը նշանակում է, որ Ուկրաինայի վրա հարձակման դեպքում նրանք ավտոմատ կերպով զորք կուղարկեն Ուկրաինան պաշտպանելու համար:
Ամենակարևորը՝ Ռուսաստանը համաձայն է սրա հետ: Հիմա Կիևի պարտությունից հետո Ռուսաստանը կփորձի ակտիվացնել հարձակումը Դոնբասի վրա, բայց հաստատ այնտեղ էլ կընկնի։
Սա դիվանագիտական մեծ հաղթանակ է, որը ձեռք է բերվում հերոս ուկրաինացի զինվորների արյան գնով և ուկրաինացի ազգի միասնությամբ։ Այս պայմանագիրը Ռուսաստանի պատմական ձախողումն է և ռուսական պետության լուծարման սկիզբը»:
English
Русский
