Ադրբեջանցի զինվորի հուղարկավորության տեսագրությունը դարձել է սկանդալի առիթ

Համացանցում տարածվել է լուսանկար ու տեսանյութ, որոնք բացահայտում են ադրբեջանական կողմի հայրենասիրական պաթոսի հակառակ կողմը:

Առաջին լուսանկարում, որն արվել է հայ-ադրբեջանական սահմանին երեկ զոհված ադրբեջանցի զինծառայողի հուղարկավորության ժամանակ, մի երիտասարդ ադրբեջանցի իբրև թե սգում է՝ գրկած իր երկրի դրոշը:

Սակայն նույն այդ վայրում միևնույն ժամանակ հարցազրույց է տալիս զոհվածի հայրը, իսկ ետևի ֆոնին կադրի մեջ երևում է, թե իրականում ինչպես է լուսանկարվել վերը նշված տեսարանը: