Սարի Թաղի որոշ հատվածներում գազամատակարարումը ժամանակավորապես դադարեցվել է

iPress.am-Արդեն 1 ժամից ավելի է, «Գազպրոմ Արմենիա» Երևանի ԳԳՄ-ի մի քանի բրիգադներ աշխատանքներ են կատարում Սարի Թաղում:

Ժամը 20:30-ի սահմաններում բեռնատար ավտոմեքենան Սարի Թաղի 8-րդ շարքում բախվել է գազատար խողովակին, այնուհետև  դեպքի վայրից հեռացել: Բախման հետևանքով գազի արտահոսք է  առաջացել,այս մասին հայտնում է  Shamshyan.com-ը:

Ժամանել է Արտակարգ իրավիճակների  նախարարության փրկարար ծառայության Երևանի թիվ 3 հրշեջ-փրկարարական ջոկատը՝ 1 մարտական հաշվարկով:

Դեպքի մասին արդեն տեղյակ են  ոստիկանության Էրեբունու բաժնում, ովքեր ձեռնարկում են  անհրաժեշտ օպերատիվ-հետախուզական միջոցառումներ՝ նշված ավտոմեքենան և վարորդին հայտնաբերելու ուղղությամբ:

Աղբյուրի տեղեկություններով՝ ոստիկաններն արդեն պարզել են այդ ավտոմեքենայի մակնիշը: