Ռուսաստանի և Թուրքիայի միջև տարաձայնություն է առաջացել

Ամերիկյան Reuters լրատվական հրատարակությունը, հղում անելով իր աղբյուրներին, պնդում է, որ Ռուսաստանի և Թուրքիայի կառավարական շրջանակներում տեղի է ունեցել լոկալ հակամարտություն, որի հետևանքով ռուս ներկայացուցիչները գանգատներ են ուղղել թուրք գործընկերներին։

«Ռուսները հիասթափված են և ժամանակ առ ժամանակ դժգոհում են անօդաչու թռչող սարքերի վաճառքից։ Նախկինում բողոքում էին ու բողոքում են նաև հիմա»,- գործակալությանը ասել է թուրք բարձրաստիճան պաշտոնյան։

Նրա խոսքով՝ Անկարան արդեն պատասխանել է Մոսկվայի պնդումներին՝ հայտարարելով, որ վաճառքում ներգրավված են մասնավոր ընկերություններ, իսկ անօդաչու սարքերի այս գնումները կատարվել են պատերազմից առաջ։