Ռուսաստանն ու Հայաստանը երրորդ երկրներին չեն տրամադրի իրենց տարածքները

Ռուսաստանը և Հայաստանը չեն տրամադրի իրենց տարածքները երրորդ երկրներին կենսաանվտանգության ոլորտում միմյանց շահերի դեմ օգտագործելու համար, ասվում է Կրեմլի կայքում ՌԴ նախագահ Վլադիմիր Պուտինի և Հայաստանի վարչապետ Նիկոլ Փաշինյանի բանակցություններից հետո հրապարակված համատեղ հայտարարության մեջ։

«Ղեկավարներն ընդգծել են կենսաբանական անվտանգության ապահովման ոլորտում Մոսկվայի և Երևանի միջև ձեռք բերված պայմանավորվածությունների հետագա իրագործման կարևորությունը, այդ թվում՝ կենսաբանական անվտանգության ապահովման հարցերի շուրջ 2021 թվականի մայիսի 6-ի փոխըմբռնման հուշագրի հիման վրա։

Հաստատվել է, որ երկու պետությունների տարածքները չեն տրամադրվի երրորդ երկրների օգտագործմանը՝ կենսաանվտանգության ոլորտում միմյանց շահերի դեմ ուղղված գործունեություն իրականացնելու համար։