Իրանի համար տարածքային ամբողջականությունը կարեւոր է: Այս մասին հայտարարել է Իրանի նախագահ Հասան Ռոհանին՝ մեկնաբանելով Բաքվում իր թուրք գործընկեր Ռեջեփ Էրդողանի հայտարարությունը, որը Թեհրանում ընդունել են որպես ոտնձգություն իրանական տարածքների նկատմամբ, հաղորդում է Mehr-ը:
«Իրանի եւ Թուրքիայի միջեւ հարաբերությունները շատ կարեւոր են, եւ մենք հարեւաններ ենք, ովքեր պահպանում են քաղաքական ու տնտեսական հարաբերությունները եւ քննարկում են տարածաշրջանային խնդիրները»,- ասել է Ռոհանին: «Իհարկե, Իրանի տարածքային ամբողջականության եւ դիրքորոշման հարցը նույնպես առանձնահատուկ նշանակություն ունի»:
Նրա խոսքով՝ իմանալով Էրդողանին, կարելի է ենթադրել, որ նա դժվար թե «ուզենար վիրավորել Իրանի տարածքային ամբողջականությունը»:
English
Русский
