ՌԴ պաշտպանության նախարարությունը հերքել է Լեռնային Ղարաբաղում ռուս խաղաղապահների շրջափակման մեջ գտնվելու մասին տեղեկությունը:
«Լեռնային Ղարաբաղում Ռուսաստանի խաղաղապահ ուժերի բոլոր ստորաբաժանումները առաջադրանքներն իրականացնում են կանոնավոր ռեժիմով ՝ ինչպես դիտակետերում, այնպես էլ հրադադարի ռեժիմի պահպանումը վերահսկելիս», - ասել են նախարարությունից:
Հիշեցնենք, որ Հայաստանի Հանրապետության վարչապետ Նիկոլ Փաշինյանն «Ազատություն» ռադիոկայանին տված հարցազրույցում ասել էր, թե տեղեկություններ ունեն, որ Հին Թաղեր և Խծաբերդ գյուղերում ռուս խաղաղապահներ են գտնվում շրջափակման մեջ:
«Մեր տեղեկություններով՝ նաև ռուս խաղաղապահներ են գտնվում շրջափակման մեջ: Կապի խնդիր կա, որովհետև տեղանքի բերումով, նաև իրադարձությունների բերումով հաղորդակցության որոշակի խնդիրներ կան, ընդ որում՝ այդ խնդիրներն ունեն նաև ռուս խաղաղապահները, և այնտեղ որոշակի ճգնաժամային իրավիճակ ունենք մենք»,- ասել էր նա: