«Կորոնավիրուսով հիվանդացած և բուժված մարդը 90 օր ազատված է թեստի կամ պատվաստման պահանջից»,- մամուլի ասուլիսի ժամանակ հայտարարեց ԱՆ ՀՎԿԱԿ վարակիչ և ոչ վարակիչ հիվանդությունների համաճարակաբանության վարչության պետ Ռոմելլա Աբովյանը։
Նա նաև ասաց, որ կորոնավիրուսով հիվանդացած քրոնիկ հիվանդություններ ունեցող անձինք հաճախ ուշ են դիմում բժշկական կազմակերպություն՝ ծանր կամ ծայրահեղ ծանր վիճակում, չեն թեստավորվում, ենթադրում են, որ կորոնավիրուսով չեն վարակվել, և արդյունավետ բուժումը հնարավոր չի լինում կազմակերպել: