iPress.am- ՌԴ նախագահ Վլադիմիր Պուտինը Ժնևի գագաթնաժողովից առաջ կատակել է ԱՄՆ նախագահ Ջո Բայդենի հետ:
Այն պահին, երբ անվտանգության ծառայության աշխատակիցները լրագրողներին և հեռուստաօպերատորներին խնդրել են դուրս գալ շենքից, Ռուսաստանի առաջնորդը ժպիտով ինչ-որ բան է ասել իր ամերիկացի գործընկերոջը, նրանք երկուսն էլ ծիծաղել են:
Արարողակարգային տեսալուսանկարահանումից հետո նախատեսված է նախագահների հանդիպումը նախ նեղ կազմով, որին ներկա կլինեն նաև երկու կողմերի արտաքին գերատեսչությունների ղեկավարներ Էնթոնի Բլինքենը և Սերգեյ Լավրովը
Ապա նախատեսված է հանդիպում ընդլայնված կազմով: Նախագահների հանդիպումը կարող է տևել 4-5 ժամ: Դրանից հետո Ջո Բայդենն ու Վլադիմիր Պուտինը առանձին-առանձին կհանդիպեն լրագրողների հետ: