Պուտինը հայտնել է՝ որքան փոխհատուցում կդրամադրվի զոհված զինծառայողների ընտանիքներին

Ուկրաինայում ռազմական գործողության ընթացքում զոհված բոլոր զինծառայողների ընտանիքի անդամներին կվճարվի 7 մլն ռուբլի, ինչպես նաև կսահմանվի հավելավճար՝ 5 մլն ռուբլու չափով, հայտարարել է ՌԴ նախագահ Վլադիմիր Պուտինը։ «Ուկրաինայում հատուկ ռազմական գործողության ժամանակ զոհված զինծառայողների ընտանիքների բոլոր անդամները կստանան օրենքով նախատեսված միանվագ նպաստ՝ 7 միլիոն 421 հազար ռուբլի։

Յուրաքանչյուրի ընտանիքին կտրվի նաև ամսական դրամական փոխհատուցում։ Բայց անհրաժեշտ եմ համարում նաև հավելավճար սահմանել ՊՆ յուրաքանչյուր զոհված զինծառայողի ընտանիքի, գործողությանը մասնակցող զինծառայողներին և այլ իրավապահ մարմինների աշխատակիցներին՝ 5 մլն ռուբլու չափով»,- ասել է Պուտինը ՌԴ Անվտանգության խորհրդի մշտական ​​անդամների հետ հանդիպմանը։

Նա հավելել է, որ գործողության ընթացքում վիրավորված զինծառայողները կստանան ապահովագրություն և միանվագ նպաստ նաև վնասվածքի, վիրավորումի կամ ուղեղի ցնցման դեպքում։ Եթե ​​պայմանագրով ծառայող զինծառայողը վնասվածքի պատճառով ճանաչվի ոչ պիտանի, ապա նա կստանա միանվագ նպաստ 2 մլն 968 հազար ռուբլու չափով, իսկ հաշմանդամության դեպքում՝ ամսական դրամական փոխհատուցում»։