iPress.am-ՌԴ նախագահի մամուլի քարտուղար Դմիտրի Պեսկովը չգիտի, թե որտեղից է ձեռք բերվել Վլադիմիր Պուտինի ձմեռային վերարկուն, որով նա հանգստանում էր Տուվանի տայգայում: Այնուամենայնիվ, նա շեշտել է, որ որսորդական կոստյումի նման մոդելի պահանջարկն աճել է, հայտնում է ՌԻԱ «Նովոստին»:
«Չեմ կարծում, որ հիմա նման վերարկու հագնելու ճիշտ սեզոնն է, թեպետ, հավանաբար, Սիբիրում, տայգայում դեռ կարելի է այն կրել. Այնտեղ շատ ցուրտ է», – ասել է Պեսկովը ՝ հավելելով, որ նախագահի օրինակը նպաստում է ներքին ապրանքանիշերի մասսայականացմանը:
Ավելի վաղ «Կաշվի և մորթու արհեստանոց» ստուդիայի սեփականատեր Եվգենիա Մորոզովան նշել էր, որ ոչխարի բրդից վերարկուի գինը, որը նման է Պուտինի տայգայում կրած հագուստին, կազմում է մոտ 150 հազար ռուբլի: Մորթու արժեքն այդ գումարից 100 հազար ռուբլին է, մնացածը վարպետների աշխատանքի գումարն է։
Միևնույն ժամանակ, ձեռնարկատերը վստահ չէ, որ նախագահի հագուստը պատրաստվել է իր ատելիեում, քանի որ նրա հագուստի լուսանկարների վրա ոչ մի պիտակ չի երեւում:
Նա նաև ասել է, որ 3.5 տարի առաջ իր ատելիեի վարպետները սովորական մասնավոր հաճախորդի համար կարել էին վերարկուների խմբաքանակ, որը հիշեցնում է պետության ղեկավարի տայգայի հանդերձանքը: