English
Русский
Ռուսաստանի նախագահ Վլադիմիր Պուտինը շնորհավորական ուղերձներ է հղել Հայաստանի, Ադրբեջանի, Բելառուսի, Ղազախստանի, Ղրղզստանի, Մոլդովայի, Տաջիկստանի, Թուրքմենստանի, Ուզբեկստանի, Աբխազիայի եւ Հարավային Օսիայի ղեկավարներին եւ քաղաքացիներին, ինչպես նաեւ Վրաստանի եւ Ուկրաինայի ժողովուրդներին՝ Մեծ Հաղթանակի 75-ամյակի առիթով։ Ռուսաստանի նախագահը ընդգծել է, որ մեր երկրներում հարգում են հիշատակն այն հերոսների, ովքեր իրենց արիությամբ ճակատում եւ անձնուրաց աշխատանքով՝ թիկունքում, կերտել են Մեծ Հաղթանակը նացիզմի հանդեպ, որը մեր բոլորիս ընդհանուր մեծ նվաճումն է։
«Ներկա սերունդների սրբազան պարտքն է հավերժ պահպանել հիշատակը նրանց, ովքեր անթիվ զոհողությունների եւ զրկանքների գնով պաշտպանեցին ազատությունը հայրենի հողի եւ ուշադրությամբ եւ հոգատարությամբ պարուրել մեր սիրելի վետերաններին»,- ասված է ՌԴ նախագահի ուղերձում։
Ռուսաստանի ղեկավարը հիշեցրել է, որ անհրաժեշտ է վճռականապես պայքարել պատմության եւ Մեծ Հայրենական պատերազմի արդյունքների վերաշարադրման փորձերի դեմ եւ թույլ չտալ, որ նացիստների կամ նրանց աջակիցների կողմից գործված հանցանքները մատնվեն մոռացության։
Պուտինը վստահություն է հայտնել, որ ընդհանուր հիշողությունը մեր հայրերի եւ պապերի սխրանքի, կնպաստի, որպեսզի զարգանա կառուցողական գործակցությունը տարբեր ոլորտներում, ինչպես նաեւ կօգնի, որպեսզի միասնաբար դիմակայեն մարտահրավերներին։
